ဒီနေ့အတွက် ဖတ်စရာကဏ္ဍ
ဝန်ဇင်း စာချစ်ပရိသတ်ကြီး မင်္ဂလာပါ ။
ဝန်ဇင်း စာချစ်ပရိသတ်တွေအတွက် ယနေ့ထွက် စာအုပ်များ ကဏ္ဍကနေ မိတ်ဆက်ပေးချင်တဲ့ စာအုပ်ကတော့ [ ၁၉၉၁ ခုနှစ်၊ အမျိုးသားစာပေဆုရ ] စာရေးဆရာမ မြသန္တာရဲ့ "နော်ရင်မွှေး" ဝတ္ထုပါပဲ။
ဒီဝတ္ထုဟာ ဆရာမရဲ့ ပထမဆုံး လုံးချင်းဝတ္ထုဖြစ်ပြီး ၁၉၈၂ ခုနှစ်မှာ မြန်မာ့အာမခံဝန်ထမ်းဘဝနဲ့ ဖြူးမြို့နယ်၊ တောင်ငူမြို့နယ်တို့မှာ တာဝန်ထမ်းဆောင်စဉ် ကြုံတွေ့ရတဲ့ ခရီးသွားအတွေ့အကြုံတွေ၊ တောင်သူလယ်သမားတွေနဲ့ ကရင်ရိုးရာဓလေ့တွေအကြောင်း ကွင်းဆင်းလေ့လာပြီး ယင်းတို့ကို ဇာတ်အိမ်ဖွဲ့ ရေးသားခဲ့တယ်လို့ သိရပါတယ်။ ဒီဝတ္ထုကို ၆ နှစ်တိတိ ကြာအောင် ထုတ်ဝေသူမရှိဖြစ်နေလို့ သုံးကြိမ်တိုင်တိုင် ပြင်ဆင်တည်းဖြတ်ပြီး စာပေဗိမာန်မှာ ဝင်ရောက်ယှဉ်ပြိုင်တဲ့အခါ ၁၉၈၉ ခုနှစ်မှာ ဝတ္ထုရှည်ပထမဆုကို ရရှိခဲ့တယ်။
ဒါ့အပြင် အကယ်ဒမီစိုးမြတ်သူဇာ ၊ အကယ်ဒမီခင်ဇာခြည်ကျော် ၊ အကယ်ဒမီဇင်ဝိုင်း ၊ အကယ်ဒမီနေအောင် နဲ့ အကယ်ဒမီစိုးသူတို့ ပါဝင်သရုပ်ဆောင်ပြီးရုပ်ရှင်အဖြစ်ရိုက်ကူးခဲ့ရာမှာလည်း အောင်မြင်ခဲ့တဲ့ဇာတ်ကားတစ်ကားပါ ။
နော်ရင်မွှေး .. သူမဟာ ကရင်ပြည်နယ်မှာ တာဝန်ကျနေတဲ့ ကျန်းမာရေးဝန်းထမ်းတစ်ယောက်၊ သူမကို လုပ်ဖော်ကိုင်ဖက်များက ကလေးတစ်ယောက်နဲ့ မုဆိုးမလို့ပဲ သိထားကြတယ်။ နော်ရင်မွှေးရဲ့ အတိတ်မှာ ဘယ်လိုတွေ ကြုံဆုံခဲ့သလဲ ......။
အပျိုဖော်ဝင်စအရွယ်၊ အသက် ၁၇နှစ်ဝန်းကျင် ကရင်မလေး နော်ရင်မွှေးဟာ ဖခင်နဲ့ အစ်မဖြစ်သူတို့ရဲ့ အုပ်ထိန်းမှုအောက်မှာ လောကဓံကို မသိနားမလည်သေးဘဲ ကလေးဆန်စွာ ကြီးပြင်းလာခဲ့တယ်။ ဒီအချိန်မှာ ကျောင်းဆရာကလေးတစ်ဦးနဲ့ မေတ္တာမျှမိတယ်။ ပျော်ရွှင်စရာအချိန်တွေဟာ မြဲမနေပါဘူး၊ နော်ရင်မွှေးရဲ့ ဘဝကို တစ်ဆစ်ချိုးပြောင်းလဲစေမယ့် အဖြစ်အပျက်တွေ ပေါ်ပေါက်လာခဲ့တယ်။ အစ်မဖြစ်သူ မီးဖွားဖို့ ကျန်းမာရေးမှူးတွေရှိတဲ့ တစ်ဖက်ရွာကို ညဥ့်နက်သန်းခေါင်ကြီး ဖအေနဲ့အတူ လိုက်ပို့ရင်း လမ်းတစ်ဝက်မှာတင် အစ်မက မီးဖွားရင်းဆုံးတယ်။ အကူအညီပြေးခေါ်တဲ့ ဖအေဖြစ်သူဟာ ပိုးထိပြီး ဆုံးတယ်။ တစ်ချိန်တည်းမှာပဲ နော်ရင်မွှေးဟာ သူမရဲ့ တွယ်တာအားထားရာ နှစ်ဦးစလုံးကို ဆုံးရှုံးလိုက်ရတော့တယ်။
" မိမိဘဝသည်လည်း ပို၍ပို၍ မှောင်လာလေ၏။ အားကိုးရာ အလင်းရောင်လည်း ကွယ်ပျောက်၍ သွားလေပြီ။ မိမိတစ်ယောက်တည်း အမှောင်ထဲတွင် စမ်းတဝါးဝါးနှင့် ရပ်ရင်းက တွယ်ရာမဲ့နေ၏။ မိမိအဖို့ ကိုယ်ပိုင်အလင်းရောင်ကို မဖန်တီးနိုင်သေး၍ သူတစ်ပါး၏ အလင်းရောင် လေးကိုသာ အမှီပြုအားကိုးနေရသည်။ မိမိနားတွင် ရပ်တည်၍ မားမားမတ်မတ်နေနေသည့် ဆရာသာလျှင် အားကိုးဖွယ်ရာ ဖြစ်သည်။ ဆရာသည် မိမိအား အပါးကဲ့သို့ တဝါးမကဲ့သို့ ယုယစောင့်ရှောက်ပြီး အားပေးရှာသည်။ " .... နော်ရင်မွှေးဟာ လူ့လောကထဲ ရောက်ရှိလာတဲ့ ကလေးမလေး နော်သဲဆူးကို မိခင်သဖွယ် ပြုစုစောင့်ရှောက်ရင်း အဒေါ်အိမ်မှာ ကပ်နေရတဲ့ ဘဝလောကဓံတွေကို ရင်စည်းခံစားရတယ်။ ဒါပေမယ့် သူမကို အဲ့ဒီ လောကဓံတွေကို ရင်ဆိုင်နိုင်မယ့် ခွန်အားက သူမရဲ့ သန္နိဋ္ဌာန်ဖြစ်တဲ့ မိမဲ့ဖမဲ့ကလေးမလေး နော်သဲဆူးကို တောတောင်ရွာဇနပုဒ်တွေက လူနာတွေကို ပြုစုစောင့်ရှောက်ပေးမယ့် ဆရာဝန်မလေးဖြစ်အောင် ပျိုးထောင်ဖို့ပါပဲ။
လောကဓံကို ကြံ့ကြံ့ခံရင်း တက္ကသိုလ်ဝင်တန်းမှာ လေးဘာသာဂုဏ်ထူးနဲ့ အောင်မြင်ခဲ့ပေမယ့် ဆေးကျောင်းသူဘဝကို စွန့်လွှတ်ပြီး စာပေစာယူတက်နဲ့ သူနာပြုသင်တန်းပဲ တက်တယ်၊ ချစ်လှပါတယ်ဆိုတဲ့ ဆရာလေးနဲ့လည်း ရင်နာစွာ လမ်းခွဲခဲ့ရတယ်၊ အရာအားလုံးဟာ နော်သဲဆူးလေးအတွက်၊ ကလေးမလေးကို မိစုံဖစုံဖြစ်ပါစေတော့ဆိုပြီး သူမနှလုံးသားကိုစတေး၊ ခဲအိုဖြစ်သူနဲ့ လက်ထပ်ဖို့ပြင်ရာမှာ ဒီခဲအိုရဲ့ အရှုပ်ဟာ ယူခါနီးမှ ပေါ်လာတော့ ရင်မွှေးခမျာ အရှက်ကွဲပြီး နော်သဲဆူးလေးကို ကိုယ့်အားကိုယ်ကိုးပြီး စောင့်ရှောက်ဖို့ မန္တလေးကိုပြောင်း၊ သူနာပြုဘဝနဲ့ ရုန်းကန် .... ။
သူနာပြုဘဝမှာ ဒေါက်တာကြည်ဟန်က ရင်မွှေးကို မေတ္တာရှိပေမယ့် ကာယကံရှင်က လက်မခံနိုင်သေး၊ သူမဘဝရဲ့ အထုအထောင်းတွေက သူမရဲ့ သမီးအဖြစ်မှတ်ယူထားတဲ့ နော်သဲဆူးလေးအပေါ်မှာသာ မေတ္တာပုံထားတယ်။
" ကျွန်တော့်ရဲ့ ပထမဦးဆုံးချစ်သူဟာ အစ်မပါပဲ။ အစ်မကိုပေါင်းစပ်ဖို့ မစဉ်းစားပေမယ့် ကျွန်တော့်အချစ်ကိုတော့ ဘယ်တော့မှ ပြန်မရုပ်သိမ်းနိုင်ဘူး။ အချစ်ဆိုတာ အတူတကွ ပေါင်းသင်းနေနိုင်မှ မဟုတ်ပါဘူးဗျာ " ( ဒေါက်တာဟန်ကြည် )
စာရေးသူ ဆရာမမြသန္တာက နော်ရင်မွှေး၏ အတိတ်နဲ့ ပစ္စုပ္ပန်ကို ဝတ္ထုထဲတွင် သင့်လျော်ရာနေရာ၌ အံဝင်အောင် ထည့်သွင်းထားတယ်။ ငယ်ရာမှကြီးသည့် ကာလအစဉ်အတိုင်းမဟုတ်၊ လက်ရှိရောက်နေဆဲ ကာလမှသည် အဓိကကျသော ဖြစ်ရပ်များ ပေါ်ပေါက်ခဲ့သည့် အတိတ်ဆီသို့ စာဖတ်သူကို ဆွဲခေါ်ရင်း ပစ္စုပ္ပန်ရှိ နော်ရင်မွှေးအကြောင်းကိုလည်း မျက်ခြေမပြတ်စေရအောင် ဇာတ်အိမ်ကို ပိုင်နိုင်စွာ ကိုင်တွယ်သွားတာ မြင်တွေ့ရမှာပါ။
ဒီဝတ္ထုထဲမှာ စာရေးသူက အကြောင်းအရာအချို့ကို မြှုပ်ကွက်ကလေးတွေအဖြစ် တစ်ထစ်ချင်း ရေးပြထားပါတယ်။ ပြီးတော့ တစ်ဆင့်ချင်း မသိမသာ လှစ်ဟပြသွားတယ်၊ ဥပမာ - ကျောင်းဆရာလေးရဲ့အကြောင်းကို စာဖတ်သူက တဖြည်းဖြည်း သိရှိလာအောင် ပါးနပ်စွာ ရေးသားဖော်ထုတ်သွားတယ်။ ဇာတ်ကောင်တွေရဲ့ စိတ်ခံစားချက်တွေကို ဖြည်းဖြည်းလေးနဲ့ ပေါ်လွင်လာအောင် တစ်စထက်တစ်စ ချဲ့ပြသွားပြီး စာဖတ်သူကိုပါ ဇာတ်ကောင်တွေနဲ့အတူ ခံစားရစေတယ်။
ခြုံပြောရရင် ဝန်ဇင်းပရိတ်သတ်ကြီးကို အခုမိတ်ဆက်လိုက်တဲ့စာအုပ်ဟာ လူ့စရိုက်သဘာဝအဖွဲ့နဲ့ လူအားလုံးအပေါ် ကျောသားရင်သားမခွဲခြားတဲ့ မေတ္တတို့ကို လှပစွာ သရုပ်ဖော်ထားတဲ့ ဝတ္ထုကောင်းတစ်ပုဒ်ဖြစ်ပါတယ်၊ လူ့စရိုက်သဘာဝကို မွန်မြတ်တဲ့စိတ်ဓာတ်နဲ့ မေတ္တာအရင်းခံတဲ့ နှလုံးသား ခံစားချက်တွေနဲ့ သိုင်းပတ် လွှမ်းခြုံထားစေတယ်။ မိမိဝမ်းနဲ့လွယ်ပြီး မွေးထုတ်ခဲ့သည့်အလား မိဘမဲ့ခဲ့ရသူ ကလေးမလေး နော်သဲဆူးအပေါ် ထားရှိတဲ့ မေတ္တာကိုမြင်ရတာဟာ မျက်ရည်လည်စရာပါပဲ။ ရင်မွှေးရဲ့ လူနာတွေအပေါ် ထားရှိတဲ့ ဂရုဏာကိုလည်း ပီတိဖြစ်စရာ မြင်တွေ့ခံစားရမှာပါ။
အခုဝတ္ထုဟာ ၁၉၉၁ ခုနှစ်မှာ အမျိုးသားစာပေဆုလည်း ရရှိထားတဲ့ ဝတ္ထုရှည်တစ်ပုဒ်ပါ။ စာရေးသူရဲ့ ဘယ်လို အရေးအဖွဲ့ တင်ပြချက်တွေကြောင့် အမျိုးသားစာပေဆု ရရှိခဲ့သလဲ ? ဝတ္ထုရဲ့ အဓိကဇာတ်ကောင်တွေဖြစ်တဲ့ ဆရာလေးနဲ့ ဒေါက်တာကြည်ဟန်တို့အပေါ် နော်ရင်မွှေးရဲ့ မေတ္တာသဘောထားကရော ? စာရေးသူ တည်ဆောက်ထားတဲ့ ဇာတ်အိမ်က စာဖတ်သူကို ဘယ်လိုရသမျိုး ခံစားရစေမလဲ ? လူ့စရိုက်သဘာဝကို ဝတ္ထုရေးအတတ်ပညာနဲ့ ဘယ်လိုရှုထောင့်ကနေ ဖော်ထုတ်တင်ပြထားလဲ ဆိုတာ ...
ကဲ .. ဒီလိုဆိုရင် ခုပဲ ဝန်ဇင်းမှာ ဒီစာအုပ်လေး ဝယ်ယူ ဖတ်ရှုလိုက်ရအောင်လား ခင်ဗျာ