ဒီနေ့အတွက် ဖတ်စရာကဏ္ဍ
ဝန်ဇင်း စာချစ်ပရိသတ်ကြီးရေ ... မင်္ဂလာပါခင်ဗျာ ။ ဒီနေ့မှာ ဝန်ဇင်း စာချစ်ပရိသတ်ကြီးအတွက် ယနေ့ထွက် စာအုပ်များ ကဏ္ဍကနေ မိတ်ဆက်ပေးချင်တဲ့ စာအုပ်ကတော့ စာရေးဆရာမင်းလူ ရေးသားခဲ့တဲ့ ဝတ္ထုတွေထဲက လက်ရာမွန်တစ်ပုဒ်ဖြစ်တဲ့ "မိညီမ" ဝတ္ထုပါပဲ။ ဒီဝတ္ထုကို ဆရာမင်းလူက ၁၉၈၃ ၀န်းကျင်မှာ ရေးသားခဲ့တယ်လို့ သိရတယ်။ ဆရာ့ရဲ့ ဝတ္ထုတွေမှာ တွေ့နေကြဖြစ်တဲ့ "ဟန်" ကို စာဖတ်သူတွေအနေနဲ့ 'မိညီမ' ဝတ္ထုထဲမှာ အပြည့်အဝ သိမြင်ခံစားရမယ်။ ဘာလို့လဲဆိုတော့ ဒီဝတ္ထုထဲဟာ အချစ်မေတ္တာကို သိပ်ကို ရိုးရှင်းစွာတင်ပြထားတဲ့ တကယ့် လက်ရာမွန် "သံယောဇဉ်မေတ္တာအဖွဲ့" ဝတ္ထုတစ်ပုဒ် ဖြစ်နေလို့ပါပဲ။ ဘယ်လိုဝတ္ထုမျိုးလဲဆိုတာ စာဖတ်သူများအတွက် စာမြည်းအဖြစ် ဆက်လက် မိတ်ဆက်ပေးပါရစေခင်ဗျ ..။ မိဘတွေမရှိတော့တဲ့ မိညီမဟာ သူမရဲ့ ကြီးမေကြီး ဒေါ်ခင်အေးစိန်နဲ့ အတူနေတယ်။ ဇော်ဝင်း၊ ကျော်ဝင်း၊ မော်ဝင်းဆိုတဲ့ အကိုသုံးယောက်ရဲ့ ညီမထွေးတစ်ဦးဖြစ်တဲ့ မိညီမဟာ တစ်အိမ်လုံးရဲ့ အချစ်ကို ရရှိထားသူပါပဲ။ တကယ်တော့ မိညီမ ဆိုတာ အိမ်ခေါ်နာမည်၊ သူမနာမည်က သန်းသန်းဝင်း ( ဘယ့်နှယ် .. အချစ်ဝတ္ထုပါဆိုမှ နာမည်က ရိုး အ ပြီး ရို - romantic မဆန်လိုက်တာလို့ စာဖတ်သူများ မထင်ပါနဲ့၊ တကယ်ဖတ်ကြည့်တဲ့အခါမှာ ဆရာမင်းလူက ဒီ ရိုးမှုတွေအထဲကပဲ ရိုဆန်တာတွေ ထုတ်ပြသွားတာ တွေ့ရပါလိမ့်မယ် ) မိညီမဆိုပေမယ့် ဝတ္ထုတစ်ပုဒ်လုံးမှာ သန်းသန်းဝင်းအဖြစ် အများဆုံး သုံးသွားတာကလည်း သတိထားမိစရာပါ။ သူမနဲ့ ဝတ္ထုထဲက အဓိကဇာတ်ကောင် ဝေမိုးအောင်တို့ ဆုံကြတာက ဘွဲ့ယူဖို့ အစမ်းလေ့ကျင့်ကြတဲ့နေ့။ "ကချင်လုံချည်အဖြူ၊ အင်္ကျီလက်ရှည် အနီကလေးနှင့် ၊ ဆံပင်ပုံစံကိုလည်း သိပ်ထူးထူးဆန်းဆန်း လုပ်မလာ။ တင်ပါးလောက်ထိ ဝဲကျနေသော ဆံပင်များကို အရင်းက ကလစ်ကလေးဖြင့် ညှပ်ထားသည်။ ဖိနပ်က ပါးပါးကလေး၊ ကိုယ်လုံးခပ်သွယ်သွယ်။ ပိန်သည်ဟုပင် ပြော၍ရနိုင်သည်။ အရပ်နည်းနည်းမြင့်သလား မသိ။ မျက်နှာက ရှင်းလင်းသည့်အလှ။ လူအများက လှပါသည်ဟု တညီတညွတ်တည်းဆိုရသော အလှမျိုးတော့မဟုတ်။ လူတစ်ကိုယ် အကြိုက်တစ်မျိုးဆိုသော စကားအရ လှနိုင်သော အလှမျိုးဖြစ်သည်။" လို့ ဝေမိုးအောင်က ရှုမြင်ပုံက သန်းသန်းဝင်းရဲ့ ဟန်ပန်ကို စိတ်အာရုံထဲ မြင်ယောင်စေတယ်။ ဝတ္ထုတစ်အုပ်လုံးဟာ ဒီလို ရှင်းလင်းတဲ့အရေးအသားနဲ့ စာဖတ်သူကို ဆွဲခေါ်သွားပါလိမ့်မယ်။ ဝေမိုးအောင် ... သူက ဟံသာဝတီအဝိုင်းအနီး ဘော်ဒါဆောင် အခန်းကျဉ်းလေးထဲမှာ အခန်းငှါးနေထိုင်တဲ့ ဘူမိဘွဲ့ရ ဘဝအခြေကမကျ အလုပ်လည်းမရသေးလို့ ရည်မှန်းချက်လည်း မရေရာသေးသူ။ ဒီအချိန်မှာ ... " မိန်းကလေးတစ်ယောက်ကို မြင်မြင်ချင်း စိတ်ဝင်စားမိသည်။ ဤသို့ မဖြစ်စဖူးခဲ့။ ဒါကိုပင် နဖူးစာဟု ခေါ်လေမလား။ ပညာရေးကိစ္စ ပြီးစီးခဲ့သဖြင့် အချစ်ကို စတင်စိတ်ဝင်စားလာမိသည့် သဘောလား။ သို့မဟုတ် အခြားအကြောင်းတစ်ခုခု ရှိသေးသလား။ ပြီးတော့ မိန်းကလေးတစ်ယောက်ကို ဘယ်သူဘယ်ဝါမှန်း၊ ဘာမှန်းညာမှန်းမသိသေးဘဲ တစ်ခါတည်း မြင်ဖူးရုံဖြင့် စွဲလမ်းမိခြင်းသည် သင့်တော်သလား။ မသင့်တော်ဘူးလား။ သူများတွေလည်း သည်လိုပဲ ဖြစ်ကြဖူးတာပဲလားမသိ "။ ခုလိုမျိုး ဆရာမင်းလူဟာ သာမန်အတွေ့အကြုံတွေကို ဖော်ထုတ်ပြီး အတွေးရစေတယ်။ ဒီလို ရှုထောင့်အသစ်အဆန်းတွေကနေ ရှုမြင်ထားတဲ့ အကြောင်းအရာ အများအပြားကို ဝတ္ထုထဲ ဝန်ဇင်းစာချစ်သူများ ဖတ်ရှုရဦးမှာပါ။ သည့်နောက် မိညီမအကြောင်းကို ဝေမိုးအောင်က ထုံးစံအတိုင်း စုံစမ်းပါတော့တယ်။ အရံဇာတ်ကောင်တွေရဲ့ ဝေးလားဝါးလား ဘေးတီးမှုမျိုးမပါ၊ ထူးထူးဆန်းဆန်းတွေလည်း မဟုတ်၊ နည်းဟောင်းအတိုင်း ကောင်မလေးတစ်ယောက်ကို နောက်ယောင်ခံလိုက်၊ မမြင်ကွယ်ရာက စောင့်ကြည့် ၊ နိုင်ငံရေးသိပ္ပံသင်တန်း တက်ရင်းလည်း သင်တန်းထဲ သူမနဲ့ခင်ဖို့ ဇာတ်လမ်းခင်း၊ ဒါတွေလည်း မအောင်မြင်၊ ဒီ့အပြင် ဘွဲ့ယူတဲ့နေ့မှာ သန်းသန်းဝင်းရဲ့အကိုတွေက သူမကို မိညီမ လို့ ခေါ်လိုက်တာကို အစွန်းစာလုံး 'မ' အစား 'မြ' တစ်လုံးတည်း နားကြားလွဲပြီး ယင်းနာမည်အမှားအတိုင်း လိုက်လံစုံစမ်းသည်ကိုလည်း စာရေးသူက ဂရုဏာသက်ဖွယ်၊ ရယ်ပျော်ဖွယ်ဖြစ်အောင် ဖော်ထုတ်ထားတယ်။ ဒီနေရာမှာ ဝတ္ထုရဲ့ ထူးခြားချက်က မိညီမဟာ ဝေမိုးအောင်ရဲ့ သူမအပေါ် သဘောထား၊ ချဉ်းကပ်မှု အကြံတွေကို သိနေတာဖြစ်တယ်၊ သာမန် အချစ်ဝတ္ထုတွေလိုမျိုး မိန်းကလေးဘက်က မာယာရှစ်သွယ်နဲ့ ဂဟေဆက်တာလည်း မရှိ၊ ရေလာမြောင်းပေးလည်း မလုပ်၊ သူမရဲ့ သိမှုအပေါ် ခံစားချက်တွေကိုတော့ ဘယ်လိုရိုးသားစွာ တင်ပြထားလဲ ဖတ်ကြည့်တဲ့အခါ သိရပါလိမ့်မယ်။ .................................... ဝေမိုးအောင်၏စာထဲမှာ ဘာတွေပါမည်ဟု သူသိပြီးသား။ ဖတ်တော့ ဖတ်ကြည့်လိုက်မည်။ ဖတ်လည်း ဖတ်ကြည့်ချင်နေ၏။ စာထဲမှာ သူ့မေတ္တာအကြောင်းလည်း ဖွဲ့ဖွဲ့နွဲ့နွဲ့ ရေးထားသည်က တစ်မျက်နှာတောင်မပြည့်။ နောက်ပိုင်းစာရွက်များတွင် ... " ကျွန်တော်က ဆင်းရဲပါတယ်။ ကျွန်တော့်မှာ အမေ မရှိတော့ဘူး။ အဖေပဲရှိပါတော့တယ်။ အဖေကလည်း အသက်ကြီးလှပါပြီ။ အဖေက အစ်မတွေ ညီအစ်မတွေနဲ့အတူ နယ်မှာနေပါတယ်။ ကျွန်တော်ဟာ ဘွဲ့ရတစ်ယောက် ဆိုပေမယ့် တက္ကသိုလ်ပညာကို ချို့ချို့တဲ့တဲ့ သင်ကြားခဲ့ရတာပါ။ ဒါတွေ ပြောပြနေရတာကတော့ ကျွန်တော်နဲ့ ပတ်သက်လို့ သိထားသင့်တာတွေ မိုလို့ပါပဲ။ ကျွန်တော်က စီးပွားရေးချို့တဲ့ပေမယ့် ကျွန်တော့်မှာ ကြွယ်ဝတဲ့အရာတွေ ရှိပါသေးတယ်။ ဘာလဲဆိုတော့ မသန်းသန်းဝင်းအပေါ်မှာထားတဲ့ မေတ္တာပါပဲ။ မသန်းသန်းဝင်းကို ကျွန်တော် အဆုံးစွန်သော မေတ္တာတရားနဲ့ ကြင်နာမှုကိုတော့ ပေးနိုင်ပါတယ်လို့ ရဲရဲကြီး အာမခံနိုင်ပါတယ် " စသည်ဖြင့် သူ့ဘဝအကြောင်းကို ရေးပြထားသည်။ သန်းသန်းဝင်းသည် နဂိုကတည်းက ဝေမိုးအောင်အပေါ် ကြည်ဖြူသည့်စိတ် ရှိနေခဲ့ပြီးဖြစ်နေရာမှ ထိုစာကို ဖတ်လိုက်ရသောအခါ ပို၍ပင် သနားသွားမိသေးသည်။ ....................................သည့်နောက် ဝေမိုးအောင်နှင့် ချစ်သူများ ဖြစ်သွားကြတယ်။ ဒါ ပေ မဲ့ အဲ့ဒီအချိန်မှာ မိညီမဟာ ချစ်သူအဖြစ် လက်ခံခဲ့ပေမယ့် ဝေမိုးအောင်နဲ့ လက်ထပ်ဖို့တော့ ကတိမပေးလိုက်ခဲ့ဘူး။ ဝေမိုးအောင်ဟာ သူမရဲ့အကိုတွေဖြစ်တဲ့ အကြွားသမား ကိုဇော်ဝင်း၊ ယမကာသမား ကိုကျော်ဝင်းနဲ့ ဖဲသမား ကိုမော်ဝင်းတို့ကို ရင်းနှီးမှုရအောင် ကြံဖန်ပုံတွေဟာ ကြည်နူး၊ စိတ်လှုပ်ရှားစရာ။ ဒါပေမယ့် အကိုတွေက ယောက်ဖလောင်းကို လက်ခံရဲ့လား? လက်ထပ်ဖို့ ကတိမပေးသေးတဲ့ သူမနဲ့ ဝေမိုးအောင်ရဲ့ ဇာတ်သိမ်းကရာ ... ဆရာမင်းလူဟာ ဒီဝတ္ထုထဲမှာ ဇာတ်ကောင် characters တွေရဲ့ အမြင် သဘောထားတွေကို တင်ပြနိုင်တဲ့ omniscient narrator အနေနဲ့ ရေးသားထားတယ်။ ဝေမိုးအောင်နဲ့ သန်းသန်းဝင်းတို့ရဲ့ ပြုမူ လှုပ်ရှားပုံနဲ့ စကားပြောခန်း၊ တွေ့ခန်း တွေကို တတိယလူအဖြစ်ကနေ ဖော်ပြထားတာကို အများဆုံး တွေ့ရမှာပါ။ ဒီဝတ္ထုထဲမှာ ဇာတ်ကောင်တွေ ဟုံပြီး ကလက်တက်ဆန်တာကို မြင်ရမှာမဟုတ်ပါဘူး။ မိညီမရဲ့ မိသားစုတွင်းက မေတ္တာနဲ့ တစ်ဖက်က ဝေမိုးအောင်ရဲ့ မိညီမအပေါ်ထားတဲ့ ချစ်ခြင်းတို့ကို ယဉ်ယဉ်ကလေးနဲ့ စိတ်လှုပ်ရှားစရာဖြစ်အောင် ဖတ်ရှုခံစားကြရမယ်။ စာတစ်အုပ်လုံး ကုန်စင်အောင် ဖတ်ပြီးတဲ့အခါ ၀န်ဇင်းစာဖတ်ပရိသတ်ကြီးရဲ့ ရင်ထဲ ဘယ်လို ရသမျိုး ကျန်ရစ်ခဲ့မလဲဆိုတာကတော့ ..... ကဲ .. ဒီလိုဆိုရင်ဗျာ၊ ခုပဲ ဝန်ဇင်းမှာ ဒီစာအုပ်လေး ဝယ်ယူ ဖတ်ရှုလိုက်ရအောင် ...
