ယနေ့အတွက် ဖတ်စရာကဏ္ဍ


[ ဆရာဇော်ဇော်အောင်၏ ‘စာပေါင်းသိုက်အက်ဆေးများ’ ကို ဝန်ဇင်းမှာ ဖတ်ရှုနိုင်ပါပြီ  ]

စာအုပ်အမည် - စာပေါင်းသိုက်
စာရေးဆရာ - ဇော်ဇော်အောင်

စာမြည်း -

'သိင်္ဂါရ ရသ' 

ဘတ်စ်ကားသည် ဗြုန်းခနဲ ထိုးရပ်လိုက်၏။ ကားပေါ်က လူအားလုံး ရှေ့သို့ ငိုက်ခနဲယိုင်သွားကြသည်။ ဘိုကလေးဈေးမှတ်တိုင်သို့ ရောက်ပေပြီ။ ဆင်းသူကဆင်း၏။ တက်သူက တက်၏။ အားလုံး ရှုပ်ယှက်ခတ်နေပေသည်။ နွားနို့ပုန်းကြီးနှစ်လုံးကို မနိုင့်တနိုင် ဆွဲကာတက်လာသော ကုလားကြီးကို လက်မှတ်ရောင်းက ငေါက်၏။ ကုလားကြီးကလည်း ရှူးရှူးရှားရှား ပြန်ပြော၏။ တရုတ်မ ဝဝကြီးနှစ်ယောက်က လည်း နောက်ဆုံးခုံတွင် တကွိကွိ တကွကွ စကားလက်ဆုံကျနေကြ၏။ အမျိုးသမီးလှလှလေးများ တက်လာ၍ နေရာထပေးသူက ပေး၏။ လက်မှတ်ရောင်းကလည်း ကားခ တွင်တွင်တောင်းလျက် ငါးကျပ်တန်ပေးထားရာ အအမ်းမရသေး၍ နားပူသူကပူ၏။ မက်မန်းပေါင်းနှင့် ယနေ့ထုတ် ဘားမားစတားရောင်းသော လူငယ်ကလေးများကလည်း ကားပေါ်တက်ကာ ကျွတ်ကျွတ်ညီအောင် အော်နေကြ၏။ ဘက်စ်ကားတစ်စီးလုံး ဆူလျက်၊ ညံလျက်၊ ရှုပ်လျက်၊ ပွေလျက် အုတ်အုတ်ကျက်ကျက် ဖြစ်နေပေသည်။ 

ဘတ်စ်ကားသည် ဤမှတ်တိုင်တွင် အကြာကြီးရပ်လေ့ ရှိ၏။ အခုမှပင် ကားဘေးသို့ လှည့်စောင်းကြည့်မိသည်။ ကဇော်ဆိုင်ကြီး ပါကား။ ထိုဆိုင်ကြီး၏ ပတ်ဝန်းကျင်သည် ဒိုဘီဝတ်အမျိုးကောင်း သားဂေါ်ရီဂျီများဖြင့် ပြည့်နှက်စုပြုံပြွတ်သိပ် ရှုပ်ထွေးနေပေသည်။ နားကွင်းကျယ်ကျယ်နှင့် အမျိုးကောင်းသမီး ဂေါ်ရင်ဂျီမများလည်း ရှိပေသည်။ သူတို့အားလုံး၏ အဝတ်အစားများသည် စုတ်ပြတ်ညစ်ပေ နေပေသည်။ ကဇော်ဆိုင်အတွင်းသို့ သောက်ရန် ဝင်သူက ဝင်၏။ ကဇော်ဆိုင်အပြင်သို့ သောက်ပြီး၍ ထွက်သူက ထွက်၏။ ပလက်ဖောင်းဘေး၊ ပလက်ဖောင်းပေါ်၊ သစ်ပင်အောက်တို့တွင်လည်း နှစ်ယောက်တစ်တွဲ သုံးယောက်တစ်တွဲဝိုင်းဖွဲ့ကာ ခွက်လှည့်ကျ သောက်နေကြ၏။ သူတို့ရှေ့တွင် ဆန်ဆေးရေပုလင်းနှင့် တူသော အဖြူနှစ်ရောင် ကဇော်ပုလင်းကလေးများ ထောင်လျက်တွေ့ရ၏။ ပြောလိုက်သည့် စကား၊ ဆိုလိုက်သည့်သီချင်း၊ ဖြစ်လိုက်သည့်ရန် အုန်းအုန်းကျွက်ကျွက် ညီပါလေရော။ သစ်ပင်အောက် တစ်နေရာတွင် ဂေါ်ရင်ဂျီ တစ်ယောက် ပက်လက်လန်လဲကျကာ မျက်ဖြူဆိုက်နေသည်။ သူ့ မိတ်ဆွေဖြစ်ဟန်တူသော အခြားဂေါ်ရင်ဂျီတစ်ယောက်က ကဇော်ကိုလက်ခုပ်ထဲတွင် ထည့်၍ယူလာ၏။ မျက်ဖြူဆိုက် လဲနေသော ဂေါ်ရင်ဂျီ၏ ပါးစပ်ကို အခြားတစ်ယောက်က အတင်းဖြဲပေး၏။ ထို့နောက်လက်ခုပ်ဖြင့် (ကစော်) ကဇော်ယူလာသော ဂေါ်ရင်ဂျီက လဲနေသော ဂေါ်ရင်ဂျီ၏ ပါးစပ်ထဲသို့ ကဇော်ကို လောင်းထည့်ပေး၏။ ထိုပုဂ္ဂိုလ်၏ လက်ခုပ်ကလည်း အံ့ဖွယ်တစ်ပါးပင်။ ခြေလှမ်း ဆယ်လှမ်းလောက် အကွာမှ ယူလာရာတွင် လက်ခုပ်ထဲက ကဇော်သည် တစ်စက်ကလေးမှ မယိုမဖိတ်။ ကိုယ့်အချင်းချင်း တယ်ချစ်ကြပါကလား တယ်စေတနာရှိကြပါလား။ တစ်ယောက်တည်း မျိုလို့မကျနိုင်ပါ ကလားဟု ကျွန်တော် စဉ်းစားမိပါသည်။ 

တစ်ယောက်သော ဂေါ်ရီဂျီသည် လက်တစ်ဖက်တွင် အာတာပုလင်းကို ဆွဲ၍ လက်တစ်ဖက်က ဂျလေဗီ မုန့်အကွင်းကလေးတစ်ခု ကို ကိုင်လျက် ကနေသည်။ ဂျလေဗီကို တစ်ကိုက် ကိုက်လိုက်၊ ကဇော် တစ်ကျိုက်ကျိုက်လိုက်၊ ဂျလေဗီတစ်ကိုက် ကဇော်တစ်ကျိုက် အလှည့်ကျ စခန်းသွားရင်း ဘာအကမှန်း ခန့်မှန်း၍ မရသော အကကို ကနေ ပေသည်။ အရက်နှင့်အချိုမတည့်ဟု ကျွန်တော်ကြားဖူးပါသည်။ ယခု ကျွန်တော့်တွင် ဗဟုသုတတိုးပေပြီ။ ထို့ကြောင့်လည်း ကျွန်တော့်သူငယ်ချင်း ဘသန်းတင်သည် ဟင်နက်ဆီဘရန်ဒီနှင့် သစ်သီးကိတ် အလွန်လိုက်ကြောင်း ခဏခဏပြောခြင်း ဖြစ်ပေလိမ့်မည်။ ထိုဂေါ် ရင်ဂျီသည် သောက်ရုံစားရုံ ကခုန်ရုံမက သီချင်းကလေးများပင် ဆိုလိုက်သေး၏။ သူ့သီချင်းနှင့် သူ့အသံကလည်း အံ့ဖွယ်ရာပင်။ အဘယ့်ကြောင့်ဆိုသော သူ့သီချင်းသည် “ အပျိုကြီး မမရယ် ” ဟူသော သီချင်း ဖြစ်၍ သူ့အသံသည် ပီသ ကြည်မြလှသော မြန်မာစစ်စစ်ကြီး ဖြစ်သောကြောင့်တည်း။။ 

ကျွန်တော်သည် ရှုပ်ထွေးဆူညံသော၊ ညစ်ပတ်ပေရေသော၊ စုတ်ပြတ်နုံချာသော ဤပတ်ဝန်းကျင်ကိုကြည့်ရင်း စိတ်ရှုပ်သလို ဖြစ်မိ၏။ သို့ရာတွင် အကြောင့်အကြ ကင်းမဲ့စွာ သောက်စားပျော်ပါးနေ ကြသော သူတို့၏ ဘဝ၊ ပျော်ရွှင်မှု၊ လွတ်လပ်မှု၊ အပူအပင်ကင်းမှုတို့ ကိုလည်း အားကျသလိုလို၊ သူတို့ကို ကြည့်ရင်း ပျော်သလိုလို ဖြစ်မိသည်။ တစ်ချိန်တည်းတွင် အာရုံနှစ်ခု ဖြစ်ပေါ်နေသော ကျွန်တော့်စိတ်သည် လျှာသွက်သော ချိန်ခွင်ပမာ ဟိုဘက်သည်ဘက် တက်လိုက် ကျလိုက် ဖြစ်နေပါသည်။ 

ရုတ်တရက် စူးစူးဝါးဝါး အော်လိုက်သော အသံတစ်သံကိုကြား လိုက်ရ၏။ ကျွန်တော့်မျက်လုံးများသည် ပြူးကျယ်၍သွား၏။ ကျွန်တော့် နားရွက်နှစ်ဖက်သည် ခွေးနားကြောင်းနားပမာ ဆက်ခနဲ တွန့် သွားသည်ဟု ထင်လိုက်မိပါသည်။ အသံလာရာဘက်သို့ ငဲ့စောင်း၍ ကြည့်လိုက်မိ၏။ ကဇော်မူးနေသော ဂေါ်ရီဂျီကုလားမ တစ်ယောက် သည် ပလက်ဖောင်းပေါ်တွင် လဲနေရာမှ ကုန်း၍ ကုန်း၍ ထနေသည်။ နီကြန်တွန့်လိမ်လျက်ရှိသော ဆံပင်တို့သည် ကုလားမ၏ မျက်နှာ တစ်ခုလုံးကို ဖုံး၍ နေ၏။ ကုလားမ၏ မည်းနက်ခြောက်သွေ့ ပိန်ကပ်နေသော ကိုယ်တွင် အကွက်မပေါ်အောင် ညစ်ပတ်ပေရေနေသော ဆာရီအနီတစ်ထည် မြင်မကောင်း ရှုမကောင်း ရစ်ပတ်၍နေ၏။ တဝေါ့ဝေါ့ အန်နေသောကြောင့် သူ့ဆာရီနှင့် သူ့တစ်ကိုယ်လုံးသည် အန်ဖတ်များဖြင့် ရွှဲရွှဲစိုကာ ပေပွနေ၏။ ငေါ်တူးချဉ်စူးသော ကဇော်နံ့၊ အန်ဖတ်နံ့များကို ကားပေါ် ကပင် ရပါသည်။ ကုလားမသည် လဲနေရာက ကုန်းထလိုက် ပြန်လဲသွားလိုက် ဖြစ်နေသည်။ ပါးစပ်ကလည်း ပွက်ပွက်ရိုက်အောင် အော်ဟစ်ဆူညံနေပေသည်။ ကုလားမ၏ ဘေးတွင် သူ့ယောက်ျားဖြစ်ဟန်တူသော ဂေါ်ရင်ဂျီတစ်ဦးသည် ကုလားမကို ဖျောင်းဖျထိန်းသိမ်းရန် ကြိုးစားနေ၏။ ထိုကုလား၏ ကိုယ်တွင် အင်္ကျီမရှိ၊ တံဆိပ်စာလုံးများ ပြက်ပြယ်မှေးမှိန်စပြုနေသော ဂျုံမှုန့် အိတ်ပိုင်းအတစ်ခုကို အရှက်လုံလောက်သာ အောက်ပိုးကျိုက်၍ ထားသည်။ သူ့အသားအရေသည် မည်းနက်ခြောက်သွေ့ကာ သူ့ကိုယ်လုံး သည် ကြုံလှီပိန်ကပ်၍နေ၏။ ကြိုးနှင့်သိတွယ်ထားသော ငါးကလေးသုံးကောင်ကို ပလက်ဖောင်းပေါ်တွင်ချ၍ ကုလားမကလည်း အော်လိုက် ဟစ်လိုက် ရုန်းလိုက်ကန်လိုက်နှင့်ပင်။ ကုလားသည် ကုလားမကို အသာအယာ ချော့မော့ဖေးမ၍ထူရန် လှမ်း၍ကိုင်လိုက်သည်တွင် ကုလားမသည် ထိုင်ရာက ကုလား၏ ရင်ဝကို ဆောင့်၍ ကန်လိုက်ရာ ကုလားခမျာ နောက်သို့ ဝုန်းခနဲ ပတ်လက်လန် လဲကျသွားရှာသည်။ ပြန်ထကာ ကုလားမကို ချော့မော့ရန် ထပ်၍ကြိုးစား၏။ ကုလားမသည် အော်ဟစ်ရင်း ကုလား၏တွန့်လိမ်နေသော ဆံပင် အုပ်လုံးကို ဆွဲကာ ပါးကို ရိုက်ပြန်တော့၏။ ဘေးမှ ဂေါ်ရင်ဂျီများကလည်း အော်သူအော်၊ လက်ခုပ်လက်ဝါးတီး၍ ဩဘာပေးသူကပေးနှင့် ဝိုင်းလာကြ၏။ 

ကုလားမသည် ကုလား၏ ပါးကို ဆက်ကာ ဆက်ကာရိုက်၏။ ဆံပင်ကို ဆွဲ၏။ လက်မောင်းကိုကိုက်၏။ ရင်ဘက်ကိုထု၏။ ကုလားသည် ကုလားမ၏ လက်တွင်းဝယ် ယက်ကန်ယက်ကန် ဖြစ်နေရှာ၏။ သို့သော် ကုလားမ လုပ်သမျှကို ငုံ့ခံကာ ပါးစပ်ကသာ တတွတ်တွတ် ချော့မော့နေရှာသည်။ ကုလားမသည် အားယူထပြီးနောက် ကုန်းကုန်းကလေး ဒူးထောက်လျက်သား ဖြစ်နေရှာသော ကုလား၏ခေါင်းကို ခြေထောက်နှင့် ကျုံး၍ကန်လိုက်ပြန်၏။ ကုလားမသည် သူ့ကိုယ်သူ မနိုင်ဘဲ တစ်ပတ်လည်ထွက်သွားကာ ကုလားအပေါ်သို့ ကျသွားတော့သည်။ သူတို့နှစ်ယောက်လုံးသည် ပလက်ဖောင်းပေါ်တွင် အိုင်ထွန်းနေသော ကဇော်အန်ဖတ်ထဲ၌ လုံးထွေး၍နေတော့သည်။ 

ထိုအခိုက်တွင် ဂီယာသံကြားရ၍ ကားဘီးများ လိမ့်ကြလေပြီ။ ကဇော်ဆိုင်ကြီးသည် လည်းကောင်း၊ ကဇော်သောက် ပရိတ်သတ် သည်လည်းကောင်း၊ ကဇော်မူးနေသော ဂေါ်ရင်ဂျီ ကုလားမသည် လည်းကောင်း၊ ထိုကုလားမကို ချော့မော့နေသော သူ့ယောက်ျား ဂေါ်ရင်ဂျီကုလားသည်လည်းကောင်း နောက်တွင် ကျန်ရစ်ခဲ့ပေပြီ။ ရှုပ်ထွေး ဆူညံသော၊ ညစ်ပတ်ပေရေသော၊ စုတ်ပြတ်နုံချာသော၊ အရုပ်ဆိုးအကျည်းတန်သော ပတ်ဝန်းကျင်သည် ကျန်ရစ်ခဲ့ပေပြီ။ ထိုပတ်ဝန်းကျင်ကို ကြည့်ရှုခဲ့မြင်ခဲ့ တွေ့ခဲ့ရသောကြောင့် ကျွန်တော့်ရင်သည် တလှပ်လှပ်ဖြစ်၍လာသည်။ အသည်းနှလုံးတွင်ဝယ် သိမ်မွေ့နူးညံ့လှသော လှုပ်ရှားမှု စိတ်လှိုင်း ကလေးတစ်ခု ဖြစ်၍ လာပါသည်။ 

အထူးသဖြင့်ကား ထိုကုလားမနှင့် ထိုကုလားတို့ မြင်ကွင်းသည် ယောက်ျားနှင့် မိန်းမတို့ မေတ္တာသဘောသရုပ်ကို တစ်စိတ်တစ်ပိုင်းအားဖြင့် ဖွင့်လှစ်ပြသသော မြင်ကွင်းဖြစ်ပေသည်။ ကျွန်တော်ယူဆ မိပါသည်။ ပါးကိုရိုက်လိုက်၊ ခြေနှင့်ကန်လိုက်၊ ဆဲလိုက် ဆိုလိုက်၊ ကုတ်လိုက်ဖဲ့လိုက် လုပ်ချင်တိုင်း လုပ်နေသည့်ကြားက မျက်နှာသေကလေးဖြင့် ငုံ့ခံကာ တတွက်တွတ်ချော့နေရှာသော ကုလား၏ စကားများသည် မေတ္တာစကားများဖြစ်၏။ ကုလားမ၏ အန်ဖက်များပေါ်သို့ တစ်ပေါက်စ နှစ်ပေါက်စ ကျသွားသော ကုလား၏ မျက်ရည်ပေါက်များသည် မေတ္တာသက်သေများ ဖြစ်၏။ ကုလားမ၏ အော်ဟစ်ဆဲဆိုသံများသည် ကုလား၏ အင်အားကြီးမားသော ခိုင်ခံ့မြဲစွဲသော သည်းခံ သော မေတ္တာကို အန်တုဖက်ပြိုင်ရာတွင် မနိုင်ဘဲ အချည်းအနှီး ဖြစ်ရသောကြောင့် ထွက်ပေါ်လာသည့် ရှုံးနိမ့်သံများ ဖြစ်ပါသည်။ ကျွန်တော်တို့အဖို့ ထိုမြင်ကွင်းကို မြင်ရသည်မှာ မေတ္တာသရုပ်ဖော် ရုပ်ရှင်ကား တစ်ကား၊ မေတ္တာသရုပ်ဖော် ဝတ္ထုတစ်ပုဒ်၊ မေတ္တာသရုပ်ဖော် ကဗျာတစ်ပုဒ်ကို တွေ့မြင်ဖတ်ရှုလိုက်ရသည်နှင့် မခြားပါ။။ 

ကျွန်တော့်စိတ် အရှိတိုင်းသာ ဆိုခွင့်ရှိရပါမူ ထို ဂေါ်ရင်ဂျီ ကုလားမနှင့် ဂေါ်ရင်ဂျီကုလားတို့၏ မြင်ကွင်းသည် သိင်္ဂါရ ရသကို ပြည့်ဝစွာ ပေးစွမ်းနိုင်သော မေတ္တာသရုပ်ဖော် မြင်ကွင်းတစ်ခု ဖြစ်ပါ ပေသည်ဟု ဆိုရပါမည်။ သင့်မသင့်၊ လျော် မလျော်ကို မျှော်ခေါ်စဉ်းစား၍ ပေးတော်မူကြပါဘိ။ 

..........

အက်ဆေးကောင်းကောင်း ဖတ်ချင်တယ် ၊ ရသကိုလည်း ခံစားချင်တယ်၊ စာပေဆိုင်ရာ သီအိုရီ သဘောတရားတွေကိုလည်း လေ့လာချင်တယ် ဆိုသူများအတွက် စာရေးဆရာ ဇော်ဇော်အောင်ရဲ့ ‘စာပေါင်းသိုက်အက်ဆေးများ’ စာအုပ်က ဝန်ဇင်းပရိသတ်ကြီးရဲ့ လက်ထဲကို ရောက်လာပါပြီ။

ဖတ်မယ်ဆိုရင်တော့ ဒီပို့စ်မှာပါတဲ့ *ဝယ်မည်* ကိုနှိပ်၊ ဒီစာအုပ်ကို ဝန်ဇင်းမှာ မြန်မာငွေ *၈၀၀* ကျပ်တည်းဖြင့် ဝယ်ယူဖတ်ရှုနိုင်ပြီပဲ ဖြစ်ပါတယ်။ 

အခက်အခဲ တစ်စုံတစ်ရာရှိပါက သိလိုသည်များကို Hot Line - 09252545753 မှာ မေးမြန်းစုံစမ်းနိုင်ပါတယ်နော်။
…………	
“ဝန်ဇင်းချစ်ပရိသတ်ကြီးအနေနဲ့ ခုမိတ်ဆက်လိုက်တဲ့ စာအုပ်ကိုဖတ်ရှုဖို့ စိတ်ဝင်စားတယ်ဆိုရင် ဒီပို့စ်လေးကို Like နဲ့ Share ပေးပြီး ဝန်ဇင်းကို အားပေးခဲ့ကြဖို့ မမေ့ပါနဲ့ဦး” “ခုလို စာအုပ်မိတ်ဆက်ပို့စ်နဲ့ ပတ်သက်ပြီးပဲဖြစ်ဖြစ်၊ စာအုပ်နဲ့ဆက်စပ်လို့ပဲဖြစ်ဖြစ် ဝန်ဇင်းချစ်ပရိသတ်ကြီးရဲ့ အမြင်တွေကိုလည်း ပို့စ်ရဲ့ Comment Box မှာ ဝင်ရောက်ရေးသားရင်း စာဖတ်သူအချင်းချင်း အမြင်ချင်း ဖလှယ်မျှဝေကြဖို့ ဖိတ်ခေါ်လိုက်ပါရစေ”
……	
စာချစ်သူများကို အမြဲတမ်းချစ်ခင်နေမယ့် ဝန်ဇင်း 

-	အောင်မြင်သူတိုင်း စာဖတ်ကြသည်။ သင်လည်း အောင်မြင်သူ ဖြစ်လိုပါက ဝန်ဇင်းမှာ စာဖတ်ပါ။ - 


Related Posts