ဒီနေ့အတွက် ဖတ်စရာကဏ္ဍ
ဝန်ဇင်း စာချစ်ပရိသတ်ကြီး မင်္ဂလာပါ ။
ဝန်ဇင်း စာချစ်ပရိသတ်တွေအတွက်၊ ယနေ့ထွက် စာအုပ်များ ကဏ္ဍကနေ မိတ်ဆက်ပေးချင်တဲ့ စာအုပ်ကတော့ စာရေးဆရာမင်းလူ ရေးသားခဲ့တဲ့ မဂ္ဂဇင်းဝတ္ထုရှည်များကို စုစည်းထားသော "လွန်လေပြီးသောနှလုံးသား" ( မဂ္ဂဇင်းဝတ္ထုရှည်များ ) စာအုပ်ပဲ ဖြစ်ပါတယ်ခင်ဗျ။
ဒီစာအုပ်ဟာ ဆရာမင်းလူအနေနဲ့ ၁၉၈၀ ခုနှစ်ကနေ ၁၉၉၀ ခုနှစ်အတွင်း ကလျာမဂ္ဂဇင်း၊ ချယ်ရီ၊ စစ်ပြန်၊ ပေဖူးလွှာ၊ ပန်းဝေသီ၊ ဟန်သစ် ... စတဲ့ မဂ္ဂဇင်းတွေမှာ ရေးသားခဲ့တဲ့ မဂ္ဂဇင်းဝတ္ထုရှည်တွေကို စုစည်းထားတဲ့ စာအုပ်တစ်အုပ်လည်း ဖြစ်ပါတယ်။
ဒီဝတ္ထု ( မဂ္ဂဇင်းဝတ္ထုရှည် ) တွေမှာ ဆရာမင်းလူရဲ့ ငယ်စဉ်ကလေးဘ၀နဲ့ ကျောင်းသားအရွယ်၊ လူငယ်ဘဝ .. စသည် တို့မှာ ကြုံတွေခဲ့ရတဲ့ အဖြစ်အပျက်တွေနဲ့ သူ့နဲ့အတူ ပါဝင်ပတ်သက်ခဲ့သူတွေရဲ့ အတိတ်ပုံရိပ်တွေကို လွမ်းမောစရာကောင်းအောင် ရေးသားထားပါတယ်။ ဆရာမင်းလူရဲ့ အရေးအသားတွေကို ကြည့်ရင် ရိုးသားပြီး ချစ်ဖို့ကောင်းတာကိုလည်း တွေ့ရဦးမှာပါ။ အသစ်အဆန်း စကားလုံးတွေ မထွင်ဘူး၊ လိုတိုရှင်းနဲ့ ရသမြောက်တဲ့ ခံစားချက်ကို စာဖတ်သူ ခံစားရစေတယ်။ ဆရာမင်းလူဟာ သူ့ရဲ့ ခံစားချက်တွေနဲ့ သူကြီးပြင်းခဲ့တဲ့ ပတ်ဝန်းကျင်နဲ့ လူတွေအပေါ် သဘောထားကို စာဖတ်ပရိတ်သတ်ထံ ရိုးသားစွာ တင်ပြထားမှုတွေကို ဖတ်ရှုရမှာပါ။
....." One Year Can Be A Whole Life Time "
..............တစ်နှစ်သည် တစ်သက်စာ ဖြစ်နိုင်၏။
`` လူ့ဘဝတွင် အသက်ရှည်ရှည်နေရခြင်း မနေရခြင်းသည် ပဓာနမဟုတ်။ အသက်ရှင်နေခိုက် အများအကျိုးကို ဘယ်လောက်ဆောင်ရွက်ခဲ့သလဲ ဆိုသော အချက်သည်သာ အရေးအကြီးဆုံးဖြစ်လေသည်။ ´´ ဟုဆို၍ ဆရာမင်းလူက လောကကြီးအတွင်း အကျိုးရှိစွာ နေထိုင်သွားတဲ့ သူ့ ငယ်စဉ်က ဆရာမအကြောင်းကို "ဆရာမကိုနှုတ်ဆက်" ဝတ္ထုမှာ ဖော်ကျူးထားပါတယ်။
စာအုပ်ပါ ဝတ္ထုခေါင်းစဉ် နာမည်တွေကိုက ဆရာမင်းလူရဲ့ အတိတ်က အမှတ်တရတွေကို ပြန်လည် ဖော်ထုတ်ထားတယ်ဆိုတာ ခန့်မှန်းသိရှိနိုင်တယ်။ မိသားစု၊ မေတ္တာ၊ အချစ် နဲ့ လူ့သဘာဝ အကြောင်းတွေကို ဆရာမင်းလူက သူ့ရဲ့ ခံစားချက် အမြင်အတိုင်း ရေးဖွဲ့ထားတာကို ဒီဝတ္ထုတွေမှာ မြင်တွေ့ခံစားရမှာပါ။
`` ငယ်စဉ်ကာလက အဖြစ်အပျက် အကြောင်းအရာတို့သည် မမေ့မလျော့ဘဲ ရှိနေတတ်လေသည်။ ကလေးဘ၀တွင် အတွေ့အကြုံ မမေ့မလျော့ဘဲ ရှိနေတတ်လေသည်။ ကလေးဘဝတွင် အတွေ့အကြုံ အတော်များများမှာ အသစ်အဆန်းတွေ ဖြစ်လေ့ရှိသည်။ နားမလည်တာတွေလည်း အများကြီးရှိသည်။ " ( နားမလည်ခြင်း ဒိုင်ယာရီ ....... မှ )
ဆရာမင်းလူရဲ့ ငယ်စဉ်ကလေးဘဝမှာ ကြုံတွေ့ရမှုတွေကို အဲ့ဒီအချိန်ကာလက ကလေးတစ်ယောက်ရဲ့ အမြင်အတိုင်း ပြန်တင်ပြထားတယ်။ ဒါ့အပြင် ယင်းကာလ ဖြစ်ရပ်တွေအပေါ် လက်ရှိ စာရေးဆရာတစ်ယောက်အနေနဲ့ ပြန်သုံးသပ်ရင်း စာဖတ်သူကို အတွေးစလေးတွေ ပေးထားခဲ့ပြန်တယ်။
" သဝန်တိုတယ်ဆိုတာ မကောင်းဘူးလို့ လူတိုင်းသိကြတာပဲ၊ ကျွန်တော်လည်း သိတာပဲ။ ဒါပေမယ့် မတိုဘဲ မနေနိုင်တာ ဘယ့်နှယ် တတ်နိုင်ပါ့မလဲ " ဆိုတဲ့အတိုင်း ဆရာမင်းလူက ချစ်သူစုံတွဲတွေရဲ့ သဘာဝဖြစ်တဲ့ သဝန်တိုခြင်းနဲ့ ပတ်သက်ပြီး "တိုရှည်" ဝတ္ထုထဲမှာ ပြုံးချင်စရာ အဖြစ်အပျက်တွေနဲ့ ခပ်သွက်သွက်လေး ရေးသားထားတယ်။
အချစ်နဲ့ ပတ်သက်ပြီး နားလည်ရခက်စွာ နက်ရှိုင်းလှတဲ့ ခံစားချက်တွေကို စာအုပ်ရဲ့ ပထမဆုံးဝတ္ထု " အိပ်မက်ပြန်လည်ပေးအပ်ပွဲ " မှာ တင့်လွင်နဲ့ သင်းသင်းဝင်း ဆိုတဲ့ ဇာတ်ကောင်နှစ်ဦးရဲ့ လွမ်းစရာ အဖြစ်အပျက်တွေကတဆင့်ဖွင့်ဆိုထားတာကိုလည်း တွေ့ရနိုင်မယ်။
သည်အိပ်မက်ကို၊ လက်မခံလို
မီးဖိုသို့လှမ်း၊ ထမင်းကြမ်းတစ်ဆုပ်
ပြာတစ်ဆုပ်ကို၊ သစ်ငုတ်မှာတင်
ဝေးသို့နှင်ပြီ၊
အသင်၊ အသင့်အိပ်မက်ပြန်ယူပါ။ ( တာနော ) .... ဆိုပြီး ဝတ္ထုရဲ့ အဖွင့်မှာ အချစ်သစ်ကို လက်မခံလိုတဲ့အကြောင်း ဆရာမင်းလူက အိပ်မက်ကျမ်းကြေနည်းနဲ့ တင်စား ဖွဲ့နွဲ့ထားတယ်။ အတိတ်ကို
ပြန်လှည့်ကြည့်နေတတ်ပြီး ခံစားချက်အမှန်ကို ထုတ်ဖော်မပြတတ်တဲ့ ဇာတ်ကောင်တွေဟာ အချစ်ရဲ့လေးနက်မှုကို ထင်ဟပ်နေစေခဲ့တယ်။
အခုမိတ်ဆက်လိုက်တဲ့ မဂ္ဂဇင်းဝတ္ထုရှည်စုစည်းမှု စာအုပ်ထဲမှာ
၁။ အိပ်မက်ပြန်လည်ပေးအပ်ပွဲ
၂။ ရိုးရိုးကြီးလေးမေ
၃။ ရာဂျာရယ် ရာနီရယ် စူလယားရယ်
၎။ နားမလည်ခြင်း ဒိုင်ယာရီ
၅။ လွန်လေပြီးသော နှလုံးသား
၆။ ဒီဇာတ်လမ်းမှာကွယ်
၇။ တိုရှည်
၈။ အမှောင်ရဲသူများ
၉။ ရောင်စုံမီးပုံးကလေးများ
၁၀။ ဆရာမကိုနှုတ်ဆက် ... စတဲ့ ဝတ္ထု ( ၁၀ ) ပုဒ်ပါဝင်ပြီး ဝတ္ထုတစ်ပုဒ်တိုင်းစီကို ဖတ်ရှုလိုက်တိုင်း အဆုံးမှာ ကြည်နူးစရာ၊ သံဝေဂရစရာ၊ လွမ်းဆွတ်ဖွယ် နဲ့ ကြေကွဲဖွယ် ခံစားချက်တွေဟာ ဝတ္ထုပါ ဇာတ်ကောင်တွေကတစ်ဆင့် စာဖတ်သူရဲ့ရင်ထဲ တသသဖြစ် ကျန်ရစ်ခဲ့မှာသေချာပါတယ်။ ဝတ္ထု ၁၀ - ပုဒ်အနက် "လွန်လေပြီးသော နှလုံးသား" ကို စာအုပ်ရဲ့ ခေါင်းစဉ်အဖြစ် ထုတ်နုတ်ထားပါတယ်။ ဘာကြောင့် ဒီဝထ္ထုကိုမှ ထုတ်နုတ်ထားတာလဲ ... ဆရာမင်းလူက ဒီဝတ္ထုအပြင် အခြားဝတ္ထုတွေမှာရော ဘယ်လိုတွေ ခံစားရေးဖွဲ့ထားလဲ ... စသည်ဖြင့် ဆရာမင်းလူရဲ့ ငယ်စဉ်အဖြစ်အပျက်များနဲ့ အတွေးအမြင်တွေကို တစ်စုတစ်စည်းတည်း ဖတ်ရှုချင်တယ် ဆိုရင်ဖြင့် အခုမိတ်ဆက်လိုက်တဲ့ စာအုပ်ကို လက်မလွှတ်တမ်း ဖတ်ရှုခံစားသင့်ပါကြောင်း ဝန်ဇင်းစာဖတ်ပရိသတ်ကြီးကို တင်ပြလိုက်ရပါတယ် ..... ။
ကဲ .. ဒီလိုဆိုရင် ခုပဲ ဝန်ဇင်းမှာ ဒီစာအုပ်လေး ဝယ်ယူ ဖတ်ရှုလိုက်ရအောင်လား ခင်ဗျာ ...
ဖတ်ချင်တဲ့ သူငယ်ချင်းတွေ ရှိနေမှာမို့ မျှဝေဖို့လည်း မမေ့ပါနဲ့ဦးဗျ ... ????
အခက်အခဲ တစ်စုံတစ်ရာရှိပါက သိလိုသည်များကို Hot Line - 09252545753 မှာ မေးမြန်းစုံစမ်းနိုင်ပါတယ် ခင်ဗျာ ။
မနက်ဖြန် ည ၈း၀၀ မှာလည်း ဘယ်စာအုပ်လေးတွေကို အသစ် တင်ဆက်ပေးမယ်ဆိုတာကို သိရှိဖို့ တစ်ခေါက် လာလည်လှည့်ပါဦးနော်..
ဒီကဏ္ဍလေးကို တနင်္လာနေ့မှ သောကြာနေ့ထိ နေ့စဉ် ည ၈း၀၀ တိုင်း တင်ဆက်ပေးသွားမှာဖြစ်ပါတယ်..။