Wun Zinn's Choice of the Week (34)


“စာဖတ်သူကို စိတ်ဓာတ်ခွန်အားတွေပေးမယ့် နာမည်ကျော် ဝတ္ထုတစ်ပုဒ် - မဟာဒီလှိုင်း”

မင်္ဂလာပါ ဝန်ဇင်းစာချစ်သူများခင်ဗျာ … 

ဝန်ဇင်းစာချစ်သူများအတွက် တနင်္ဂနွေနေ့လို ရုံးပိတ်ရက်၊ အားလပ်ချိန်တွေမှာ ဖတ်ရှုနိုင်ဖို့ ကျွန်တော်တို့ဝန်ဇင်းရဲ့ အယ်ဒီတာစိတ်ကြိုက်စာအုပ်များကဏ္ဍမှ စာအုပ်ကောင်းတစ်အုပ်ကို ရွေးချယ်ထားပါတယ်။ အဲ့ဒီစာအုပ်ကတော့ ဘာသာပြန်စာရေးဆရာကြီး မောင်ပေါ်ထွန်း ဘာသာပြန်ဆိုထားတဲ့ “မဟာဒီလှိုင်း” ဆိုတဲ့ စာအုပ်ပဲ ဖြစ်ပါတယ်။ တရုတ်ပြည်ဖွား အမေရိကန်စာရေးဆရာမတစ်ဦးဖြစ်တဲ့ ပါးလ် အက်စ် ဘတ်ခ် ( ၁၈၉၂ - ၁၉၇၃ ) ရဲ့ “The Big Wave by Pearl S. Buck” ဆိုတဲ့ စာအုပ်ကို ဘာသာပြန်ဆိုထားတာပဲ ဖြစ်ပါတယ်။ 

စာရေးဆရာကြီး ပါးလ် အက်စ် ဘတ်ခ်က တရုတ်နိုင်ငံဖွားဆိုတော့ အာရှသွေးတော်တော်ရှိပုံ ရပါတယ်။ သူမရဲ့ စာ ဝတ္ထုတော်တော်များများက အာရှနိုင်ငံများကို နောက်ခံထား ဖွဲ့ဆိုရေးသားထားတာကို တွေ့ရပါတယ်။ ယခုစာအုပ် “မဟာဒီလှိုင်း” ကလည်း ဂျပန်နိုင်ငံတောင်ပိုင်း၊ ကျူရှူးကျွန်းတောင်ဖက်စွန်း ဝေးလံခေါင်ဖျားလှတဲ့ တံငါရွာကလေးကို နောက်ခံ ဇာတ်အိမ်တည်ထားတဲ့ ဝတ္ထုပါ။ 

ဇာတ်ကောင်တွေအနေနဲ့ ပင်လယ်ကမ်းစပ်နားက အိမ်ခြေနှစ်ဆယ်လောက်သာရှိတဲ့ တံငါရွာလေးထဲက ဂျီယတို့ မိသားစုလေးရယ်၊ တံငါရွာအနောက်ဖက် တောင်ပေါ်က တောင်ယာစိုက်ပျိုးတဲ့ ကီနိုတို့မိသားစုနဲ့ သူတို့ရွာနဲ့ မလှမ်းမကမ်း တောင်ကုန်းပေါ်မှာ တည်ဆောက်ထားတဲ့ ရဲတိုက်ကြီးရဲ့ ပိုင်ရှင်အဖိုးရယ် .. ဒါပါပဲ။ 

ဇာတ်ကောင်နည်းနည်း ဇာတ်အိမ်ကျဉ်းကျဉ်းလေးကို ဂျပန်လူမျိုးတို့ရဲ့ အတွေးအခေါ် အယူအဆတွေနဲ့ ပေါင်းစပ်ပြီး ထိထိမိမိလေး ရေးဖွဲ့ထားတဲ့ စာအုပ်လေးပါ။ ဒီစာအုပ်လေးကို ဘာသာစကားပေါင်းများစွာ ပြန်ဆိုခဲ့ပါတယ်။ စာဖတ်သူတော်တော်များများလည်း ကြိုက်ကြတယ်။ သက်ဆိုင်ရာ စာပေဆုတွေလည်း ရရှိခဲ့ပါတယ်။ ဂျပန်နဲ့ အမေရိကန် ရုပ်ရှင်ကုမ္ပဏီကြီးနှစ်ခုကလည်း ပူးပေါင်းပြီး ရုပ်ရှင်ရိုက်ခဲ့တယ်။ 

ဂျပန်ရုပ်ရှင်ကုမ္ပဏီ ဥက္ကဋ္ဌက “သမိုင်းတလျှောက် ဝံ့ကြွားလာတဲ့ ကျွန်တော်တို့ ဂျပန်နိုင်ငံက စစ်ရှုံးပြီး ကမ္ဘာ့အလည်မှာ အလွန်မျက်နှာငယ်နေရတဲ့အချိန်ပါ။ ကျဆင်းနေတဲ့ ကျွန်တော်တို့ရဲ့ စိတ်ဓာတ်ကို ဘယ်လိုမြှင့်တင်ရမလဲ စဉ်းစားလို့မရတဲ့အချိန်ပါ။ မဟာဒီလှိုင်းစာအုပ်ကို မမျှော်လင့်ဘဲ ဖတ်မိတယ်။ စာရေးသူ ပါးလ် အက်စ် ဘတ်ခ်က သူ့စာကနေ ကျွန်တော်တို့ကို တစ်ခုခုပေးချင်တယ်လို့ ထင်မိတယ်။ ဂျပန်လူမျိုးတွေဟာ ကြေကွဲဖွယ်ရာ သဘာဝဘေးတွေကို ရာစုနှစ်ပေါင်းများစွာ ကြံ့ကြံ့ခံနိုင်ခဲ့တယ်။ အရှုံးမပေးခဲ့ဘူး။ ဒီသဘောတရား ဒီယုံကြည်ချက်တွေကို ပြန်အမှတ်ရကြဖို့ စာရေးဆရာမကြီး ပါးလ် အက်စ် ဘတ်ခ်က ဂျပန်လူမျိုးတွေကို ပေးတာဖြစ်တယ်။ ဒါကြောင့် ကျွန်တော်တို့ မဟာဒီလှိုင်းကို အမေရိကန်ကုမ္ပဏီနဲ့ ပေါင်းပြီး ရုပ်ရှင်ရိုက်ခဲ့တယ်။” 

ဇာတ်လမ်းကို စာရေးသူက “ကီနိုသည် ယာတွေအတွင်းတွင် နေထိုင်သည်” နဲ့ စထားတယ်။ သူ့စာအုပ်ထဲမှာ ရေးထားသလိုဆိုရင် စာဖတ်သူမြင်သာအောင် တောင်ယာစိုက်ခင်းလို့ ပြောရမယ်ထင်တယ်။ သူတို့တဲလေးက တောင်ထိပ်မှာရှိတယ်ဆိုတော့လေ။ ကီနိုကို ( ၁၀ ) နှစ်ဝန်းကျင် ယောက်ျားလေးလို့ထင်တယ်။ သူတို့တဲလေးရှိတဲ့ တောင်ပေါ်ကနေ ကြည့်လိုက်ရင် သဲသောင်ပြင်လေးမှာ ကီနိုသူငယ်ချင်း ဂျီယတို့ရဲ့ အိမ်ခြေနှစ်ဆယ်ဝန်းကျင်လောက်သာရှိတဲ့ တံငါရွာလေးကို မြင်ရတယ်။ ဂျီယတို့ တံငါရွာလေးက ပင်လယ်ကြီးကို ကျောပေးပြီး တဲထိုးထားကြတယ်။ ပင်လယ်ကြီးက သူတို့ရဲ့ ရန်သူမို့ ပြတင်းပေါက်ကို ပင်လယ်ဖက် မလှည့်ကြဘူးဆိုပဲ။ ထူးဆန်းတဲ့ ဓလေ့တစ်ခုပေါ့။ 

တိုတိုပြောရရင် ကီနိုနဲ့ ဂျီယတို့ကလေးဘဝက ငါးဖမ်းရင်း၊ ရေကူးရင်း၊ တောတွေတောင်တွေ ယာခင်းတွေထဲ လျှောက်လည်ရင်းနဲ့ပေါ့။ ရွာလေးနဲ့ မလှမ်းမကမ်း တောင်ကုန်းတစ်ခုပေါ်မှာ ရဲတိုက်ကြီးတစ်လုံးရှိတယ်။ အဲ့ဒီရဲတိုက်ကြီးကို မုတ်ဆိတ်ဖြူနဲ့ အဖိုးကြီးတစ်ဦးက ပိုင်ဆိုင်တယ်။ 

တစ်နေ့ … ရွာအနောက်ဖက်မှာရှိတဲ့ မီးတောင်ကြီးက ပြာပူတွေမှုတ်ထုတ်လာတယ်။ ကောင်းကင်တစ်ခုလုံးလည်း မှိုင်းဝေလို့။ မြေကြီးတွေကလည်း ပူလာပြီ။ တောင်ယာသမားနဲ့ တံငါသည်တွေလည်း လယ်ထဲကိုင်းထဲ မဆင်းကြတော့ဘူး။ ဘာအလုပ်မှ မလုပ်ကြတော့ဘဲ အခြေအနေကို စောင့်ကြည့်နေကြတယ်။ 

အဖိုးအိုရဲ့ ရဲတိုက်ကနေ အလံနီကြီးလွင့်တက်လာပြီး ခေါင်းလောင်းထိုးသံတွေလည်း ထွက်ပေါ်လာပြီ။ ကောင်းကင်တစ်ခုလုံးလည်း မဲမှောင်လာပြီ။ လေကလည်း တောမီးလောင်သလို ပူလာပြီ။ ရဲတိုက်ကြီးကလည်း ခေါင်းလောင်းသံတွေ ဆူညံစွာ အဆက်မပြတ်တီးပြီး တံငါရွာကလူတွေ သူ့ရဲတိုက်ကို ပြောင်းလာကြဖို့ အဖိုးအိုက ခေါ်နေပြီ။ တံငါရွာမှာ လူကြီးတွေက လှေစောင့် တဲစောင့် ကျန်ခဲ့ပြီး ကလေးတွေကို ရဲတိုက်ဆီ လွှတ်နေကြပြီ။ 

ယာသမားလေး ကီနိုက သူငယ်ချင်း ဂျီယကို တောင်ပေါ်တက်လာဖို့ အင်္ကျီလေးဝှေ့ယမ်းပြီး လှမ်းခေါ်လိုက်တယ်။ ဂျီယလေး ကီနိုတို့ဆီ ရောက်ပြီးမကြာမီမှာပဲ မီးတောင်ကြီး ပေါက်ကွဲတော့တာပါပဲ။ ပေါက်ကွဲမှုအရှိန်ကြောင့် ပင်လယ်ထဲကနေ ကြီးမားတဲ့ လှိုင်းလုံးကြီးပေါ်လာပြီး တံငါရွာလေးနဲ့ ရဲတိုက်ကြီးဆီ တရွေ့ရွေ့သွားနေကြတဲ့ ကလေးတွေအားလုံးကို ရုတ်ချည်း ဝါးမျို ဖုံးလွှမ်းသွားတော့တယ်။ 
မျက်စိတစ်မှိတ်အချိန်ကလေး အတွင်းမှာပဲ အရာအာလုံးဟာ ပျောက်ကွယ်သွားကြပြီ။ တောင်ပေါ်ကနေကြည့်နေတဲ့ ဂျီယကလေးက သူ့မိသားစုရဲ့ အဖြစ်ဆိုးကို မြင်ပြီး မေ့မျောသွားခဲ့တယ်။ ကျန်ရစ်နေခဲ့တဲ့ ယာသမားလေး ကီနိုတို့မိသားစုနဲ့ ဂျီယကလေးတို့ သူတို့ဘဝအတွက် ရှေ့ဆက် ဘယ်လိုရုန်းကန်လှုပ်ရှားကြမှာလဲ … 

စာရေးဆရာမကြီး ပါးလ် အက်စ် ဘတ်ခ်က မဟာဒီလှိုင်းဝတ္ထုကို ဂျပန်နိုင်ငံအပေါ် အနုမြူဗုံးကြီး ကြဲချခံရပြီး နှစ်နှစ်ကျော်အကြာ ၁၉၄၇ ခုနှစ်မှာ ထုတ်ဝေခဲ့ပါတယ်။ ဒုတိယကမ္ဘာစစ်ကြီးအပြီး ပြာပုံဘဝနဲ့ စိတ်ဓာတ်ကျပြီး ကျန်ရစ်ခဲ့တဲ့ ဂျပန်နိုင်ငံကို စာရေးသူက ဘယ်သောအခါမှ ဒူးမထောက် လက်မမြှောက်တဲ့ ဂျပန်တို့ရဲ့ မွေးရာပါ စိတ်ဓာတ်ကို တဖန် ပြန်လည်ရုန်းထလာကြဖို့ ဒီဝတ္ထုလေးနဲ့ သတိပေး အသက်သွင်းလိုက်တာလို့ဆိုရင် မမှားပါဘူး။ မဖြစ်မနေဖတ်သင့်တဲ့ စာအုပ်ကောင်းလေးပဲ ဖြစ်တယ်လို့ ဒီတစ်ပတ်အတွက် အယ်ဒီတာစိတ်ကြိုက် စာအုပ်များကဏ္ဍမှ ညွှန်းဆိုလိုက်ရပါတယ်။ 

ဝန်ဇင်းစာချစ်သူတို့လည်း ဖတ်ရှုမယ်ဆိုရင် ဒီပို့စ်မှာပါတဲ့ *ဝယ်မည်* ကိုနှိပ်ပြီး ဝန်ဇင်းမှာ ငွေကျပ် *၈၀၀* တည်းဖြင့် ဈေးနှုန်းသက်သာစွာ ဝယ်ယူဖတ်ရှုလိုက်ပါလို့ တိုက်တွန်းလိုက်ပါတယ်။ 
…….
ခုလို ဘာသာပြန်စာအုပ်ကောင်းတွေကို ဝန်ဇင်းမှာ ဈေးနှုန်းသက်သာစွာနဲ့ ဝယ်ယူလို့လည်းရ၊ ကိုယ်နဲ့မကွာရှိနေတဲ့ ဖုန်းထဲမှတစ်ဆင့် အလွယ်တကူ ဖတ်ရှုလို့လည်းရဆိုတော့ ဒီလိုအခွင့်အရေးမျိုးကို ဘယ်နည်းနဲ့မှ လက်လွှတ်မခံဘဲ ခုမိတ်ဆက်ခဲ့တဲ့ စာအုပ်ကို ခုပဲ ဝန်ဇင်းမှာ ဝယ်ယူဖတ်ရှုလိုက်ရအောင်လားခင်ဗျာ။ ဖတ်ရှုလိုတဲ့ သူငယ်ချင်းများရှိနေမှာမို့ ဒီစာအုပ်မိတ်ဆက်ပို့စ်လေးကို အချင်းချင်း ပြန်လည်မျှဝေလိုက်ပါဦးခင်ဗျ။ အခက်အခဲ တစ်စုံတစ်ရာရှိပါက သိလိုသည်များကို Hot Line - 09252545753 မှာ မေးမြန်းစုံစမ်းနိုင်ပါတယ်ခင်ဗျ။
…………..
“ဝန်ဇင်းချစ်ပရိသတ်ကြီးအနေနဲ့ ခုမိတ်ဆက်လိုက်တဲ့ စာအုပ်ကို ဖတ်ရှုဖို့ စိတ်ဝင်စားတယ်ဆိုရင် ဒီပို့စ်လေးကို Like နဲ့ Share ပေးပြီး ဝန်ဇင်းကို အားပေးခဲ့ကြဖို့ မမေ့နဲ့နော်” “ခုလို စာအုပ်မိတ်ဆက်ပို့စ်နဲ့ ပတ်သက်ပြီးပဲဖြစ်ဖြစ်၊ စာအုပ်နဲ့ဆက်စပ်လို့ပဲဖြစ်ဖြစ် ဝန်ဇင်းချစ်ပရိသတ်ကြီးရဲ့ အမြင်တွေကိုလည်း ပို့စ်ရဲ့ Comment Box မှာ ဝင်ရောက်ရေးသားရင်း စာဖတ်သူအချင်းချင်း အမြင်ချင်း ဖလှယ်မျှဝေကြဖို့ ဖိတ်ခေါ်လိုက်ပါရစေ”
…….
ဝန်ဇင်းပရိသတ်ကြီးကို မေတ္တာများစွာဖြင့် ချစ်ခင်လျက်။


Related Posts