Wun Zinn's Choice of the Week (7)
တေးဆိုငှက် ဒဏ္ဍာရီ ( သင့်လူ ) ဝန်ဇင်း စာချစ်ပရိသတ်ကြီးမင်္ဂလာပါခင်ဗျာ … ဝန်ဇင်း စာချစ်ပရိသတ်ကြီးအတွက် ဒီအပတ်ပိတ်ရက်မှာ အနားယူရင်း ဖတ်ဖို့ ဆရာသင့်လူ ဘာသာပြန်ထားတဲ့ " တေးဆိုငှက် ဒဏ္ဍာရီ " ကို ညွှန်းဆိုပေးချင်ပါတယ်။ The wind-up bird chronicle ဟာ ဂျပန် နာမည်ကြီး စာရေးဆရာ ဟာရူကီမူရာကာမိရဲ့ ဝတ္ထုကောင်းတွေထဲမှာ တစ်ပုဒ်အပါအဝင်ဖြစ်ပါတယ်။ မူရာကာမိရဲ့ လေကို စာရေးဆရာသင့်လူက အမိအရဘာသာပြန်ထားတဲ့ တေးဆိုငှက်ဒဏ္ဍာရီဟာ ယနေ့ခေတ်ကာလမှ ဖတ်ရှုထားသင့်တဲ့ စာအုပ်တစ်အုပ်ပါပဲ ။ စာအုပ် (၁) ခိုးခံလိ်ုက်ရသည့်မက်ပိုင်းမုန့်များ ၁၉၈၄ ဇွန်၊ ဇူလိုင် စာအုပ် (၂) တမန်တော်ငှက်ငယ် ၁၉၈၄ ဇူလိုင်မှ အောက်တိုဘာ စာအုပ် (၃) ငှက်ဖမ်းသူ ၁၉၈၄ အောက်တိုဘာမှ ၁၉၈၅ ဒီဇင်ဘာ ဆိုပြီး စာအုပ်ငယ် (၃) အုပ်ခွဲထားကာ အခန်းငယ်ပေါင်း များစွာပါတဲ့ ယနေ့ခေတ် ဂျပန်နိုင်ငံရဲ့ အလွန်ထင်ရှားကျော်ကြားသော စာရေးဆရာ ဟာရူကီမူရာကာမိရဲ့ စာအုပ်ကို မြန်မာနိုုင်ငံရဲ့ နာမည်ကြီးစာရေးဆရာ သင့်လူ ဘာသာပြန်တဲ့ တေးဆိုငှက် ဒဏ္ဍာရီ စာအုပ်ဟာ အစပိုင်း ဇာတ်အိမ် စ တည်ကတည်းကနေ ဇာတ်သိမ်းအထိ စာဖတ်သူကို တောက်လျှောက် ဆွဲခေါ်သွားပါလမ့်မယ်။ စာဖတ်သူရဲ့ အိပ်မက်တွေထဲ ဝင်ရောက်လာတဲ့အထိ အဲ့ဒီစာအုပ်က သင့်ကိုစိုးမိုးပါလိမ့်မယ်။ ဒီစာအုပ်ကို ဖတ်ပြီးသွားတဲ့အချိန်မှာ ကိုယ်ဟာ တေးဆိုငှက်ရဲ့ ဒဏ္ဍာရီထဲက အဓိကဇာတ်ဆောင် တိုရုအိုကာဒါလို တက်ိုယ်တည်း ရေမရှိတော့တဲ့ ရေတွင်းပျက်ထဲ ဆင်းထိုင်ပြီး အမှောင်ထုထဲ နက်နက်နဲနဲ စဉ်းစားခန်းတွေ ဖွင့်ချင်ခဲ့တယ်။ ဂျပန်စစ်ဗိုလ် ယာမာမိုတိုကို မွန်ဂိုတွေ အရှင်လတ်လတ် အရေပြားခွာပြီး သတ်ဖြတ်တာကို အပြင်မှာ ကြည့်ချင်ခဲ့တယ်။ စစ်ဖြစ်တဲ့အတွက် တိရစ္ဆာန်ရုံထဲက တိရစ္ဆာန်တွေ လွတ်ပြီး လူတွေကို အန္တရာယ်ပေးမှာစိုးလို့ စစ်သားတွေက လှောင်အိမ်ထဲက အကောင်တွေကို အပြင်က ရက်ရက်စက်စက် သေနတ်နဲ့ တေ့ပစ်တာ ကြည့်ချင်ခဲ့တယ်။ လူတစ်ယောက်ကို ဘေ့စ်ဘောတုတ်နဲ့ အသေအကြေ ရိုက်ကြည့်ချင်ခဲ့တယ်။ စာအုပ်ဖတ်နေတဲ့ အချိန် လူကသတ်သတ် စာအုပ်ကသတ်သတ် ဖြစ်မနေပဲ ကိုယ်ပါရောပြီး စာအုပ်ထဲရောက်ရတဲ့ စာအုပ်မျိုးတွေထဲမှာ ဒီစာအုပ်အပါအဝင်ပါပဲ။ ဇာတ်လမ်းရဲ့ အဓိကဇာတ်ဆောင်က ဥပဒေအကျိုးတော်ဆောင် အလုပ်ကနေ ထွက်ချင်လို့ ထွက်လိုက်တဲ့ တိုရုအိုကာဒါ။ သူအလုပ်ထွက်တော့ သူ့မိန်းမ ကူမီကိုက အလုပ်သွား၊ သူက အိမ်အလုပ်လုပ်။ အဲ့ကာလမှာ သူတို့ အိမ်ထောင်ဦးကတည်းက မွေးထားတဲ့ ကြောင်ကြီး နိုဘိုရုဝထရာ အိမ်ကပျောက်သွားတာနဲ့ အားနေတဲ့ တိုရုအိုကာဒါဟာ လိုက်ရှာရတာပေါ့။ လိုက်ရှာရင်း အသိရခက်တဲ့ မေကာစာဟာရ(မေ) နဲ့ ဆုံတယ်။ တိုရုတို့ အိမ်ရဲ့နောက်ဖေးလမ်းကြားကနေ သွားရင်းဆုံတာ။ မေတို့ရဲ့ အိမ်နားမှာ လူမနေတဲ့ အိမ်တစ်အိမ်ရှိတယ်။ အဲ့ဒီ အိမ်ကလည်း ကျိန်စာသင့်အိမ်။ တိုရုဟာ ကြောင်ရှာရင်း မေနဲ့ရင်းနှီးသွားသလို သူ့မိန်းမဟာလည်း ကြောင်ကိုရှာတာ အကူအညီဖြစ်ဖို့ အကြားအမြင် ဆရာမ မော်လ်တာကာနိုကို သူနဲ့ ချိတ်ပေးခဲ့တယ်။ မော်လ်တာကာနိုက တဆင့် တိုရုရဲ့ဇာတ်လမ်းမှာ သူ့ညီမ ခရီတာကာနို ပါလာတယ်။ တိုရုကြောင်ရှာတဲ့ရက်တွေအတွင်း တစ်ရက် ကူမီကိုဟာ အလုပ်ကပြန်မလာပဲ ပျောက်သွားခဲ့တယ်။ သိပ်မကြာခင် ကူမီကိုဆီက စာလာတယ်။ သူ နောက်ယောက်ျားနဲ့ လိုက်သွားပြီဆိုပြီး .... ။ အဲ့ဒီအချိန်က စ လို့ တိုရုဟာ မထင်မှတ်တဲ့ ဘဝရဲ့နေ့ရက်တွေကို ခက်ခဲစွာနဲ့ ဖြတ်သန်းခဲ့ရတယ်။ တိုရုရဲ့အကြောင်းကို ဖတ်နေတဲ့ မူရာကာမိဟာ စာဖတ်တဲ့သူကို အမျိုးမျိုးကိုင်လှုပ်သွားပါလိမ့်မယ်။ တကယ်တော့ ဒီအညွှန်းဟာ နှမ်းဖြူးရုံလောက်ပါ။ တကယ့်ကို ကောင်းလွန်းတဲ့ ဘာသာပြန် စာအုပ်တစ်အုပ်ကို လက်လွတ်မခံပဲ ဖတ်ကြည့်ကြဖို့ သေသေချာချာ တိုက်တွန်းလိုက်ရပါတယ်။ ဖတ်ချင်တဲ့ သူငယ်ချင်းတွေ ရှိနေမှာမို့ မျှဝေဖို့လည်း မမေ့နဲ့ဦးနော် ... ဝန်ဇင်းစာဖတ်ပရိသတ်ကြီး ၊ ဖတ်ကြည့်ပါ ကြိုက်ကြမှာ အသေအချာပါပဲ ။ ဝန်ဇင်းမှာဝယ်ဖတ်မယ်ဆို ၈၀၀ ကျပ်တည်းဖြင့် လွယ်ကူသက်သာစွာ ဝယ်ယူဖတ်ရှုနိုင်ပါတယ် ။
