Wun Zinn's Choice of the Week (47)


ဟောလိဝုဒ် ရုပ်ရှင်လောကကို အခြေခံထားတဲ့ ဘာသာပြန်စာအုပ်ကောင်းတစ်အုပ်

ဝန်ဇင်းစာချစ်သူများ မင်္ဂလာပါဗျ …

ဒီနေ့ စနေနေ့၊ ရုံးပိတ်ရက် အားလပ်ချိန်မှာ ဘာစာအုပ်ဖတ်ဖို့ စီစဉ်ထားလဲခင်ဗျ။ တကယ်လို့ မစီစဉ်ရသေးရင် ခုမိတ်ဆက်မယ့်စာအုပ်ကို ဖတ်ကြည့်လိုက်နော်။ ခိုက်သွားလိမ့်မယ်။ ဝတ္ထုက ဟောလိဝုဒ်ရုပ်ရှင်လောကကို အခြေခံထားတယ်။ ဘာသာပြန်စာရေးဆရာက ဆရာမြတ်ငြိမ်း။ John Sherlock ရဲ့ The Dream Makers ကို မြတ်ငြိမ်းက အိပ်မက်ပမာ အမည်နဲ့ ဘာသာပြန်ထားတဲ့ စာအုပ်ဟာ ဟောလိဝုဒ်ရုပ်ရှင်လောကကို အခြေခံထားတဲ့ ဘာသာပြန်စာအုပ်ကောင်းတစ်အုပ်ပါပဲ။ 

JohnSherlock ဟာ ဒီဝတ္ထုမှာ အဓိကဇာတ်ဆောင် ဘင်အဲရစ်(ခ) ဘရန်ဒန်ဟော့ခ်ကို ရုတ်တရက်...ကြွေ၊ သွေးကလဲ့စား ဆိုတဲ့ ရုပ်ရှင်ကား ၂ ကား ရိုက်ကူးထုတ်လုပ်မှုတွေနဲ့ အတူ ဒါရိုက်တာ၊ သရုပ်ဆောင်၊  ထုတ်လုပ်သူ၊ ရှေ့နေ၊ ဂျာနယ်လစ် စသဖြင့် ရုပ်ရှင်လောကနဲ့ ပက်သက်ဆက်စပ်သူတွေရဲ့ ဖျံကျ၊ အကောက်ကြံ၊ ခြေထိုး၊ ယုတ်မာ၊ ကောက်ကျစ်၊ ကွက်ကျော်ရိုက်မှုများစွာနဲ့ ဖတ်ချင်စဖွယ် သိုင်းသိုင်းဝိုင်းဝိုင်း ရေးဖွဲ့ထားတယ်။ ဘင်အဲရစ်ဟာ စတန့်မင်းသားတစ်ဦးပေါ့။ သူ့မိခင် ဆုံးပါးသွားပြီးတဲ့နောက် သူ့ပထွေး ဂျိုအဲရစ်နဲ့ တူတူနေနေရာက ပထွေးရဲ့ အပျော်မယား ရှာနာလန်ဒရီနဲ့ ဘင် ငြိစွန်းခဲ့တယ်။ အဲ့လိုကတောက်ကဆတွေကြားမှာပဲ ဘင်နဲ့ ဂျိုအဲရစ်တို့ဟာ အလုပ်တစ်ခုကို တွဲလုပ်ဖြစ်ကြတယ်။ ဂျိုအဲရစ်ရိုက်မယ့် ရုတ်တရက်...ကြွေဆိုတဲ့ ဇာတ်ကားမှာ ဘင်က စတန့်မင်းသားအဖြစ် ပါဝင်ခဲ့တာပေါ့။ ပီရူးနိုင်ငံ ကုဇကိုမြို့လေးထိ သွားရောက်ရိုက်ကူးစဉ်က မြင်းနဲ့ ချောက်ကမ်းပါးကို ခုန်ကူးတဲ့အခန်းရိုက်တော့ ဘင်မှာ ဒဏ်ရာပြင်းထန်စွာရရှိသွားပါရောလား၊ ဘင်ရဲ့ဒုက္ခတွေဟာ မသေးပါဘူး။ ပီရူးမှာ ဒဏ်ရာပြင်းပြင်းထန်ထန်ရတဲ့အပြင်ဒေသခံရဲချုပ်ဟွမ်တာက အကောက်ကြံပြီး ဘင်ကို ဓားစားခံအဖြစ်ဖမ်းဆီးပြီး ဂျိုဆီက ငွေညှစ်ပါသေးတယ်။ ဂျိုနဲ့ ရှာနာဟာနေရပ်ပြန်ပြီး ဘင်အတွက် ရှိသမျှပေါင်နှံပြီး ဒေါ်လာ(၅)သိန်းနဲ့ ဘင်ကိုရွေးခဲ့ပေမယ့် အဲ့ဒီငွေတွေဟာ ပီရူးရောက်မသွားခဲ့ပါဘူး။ ဂျိူ လက်အောက်ကလူတွေဖြစ်တဲ့ ဂျော်ဒန်နဲ့ ဒက်ဗလင်တို့(၂)ဦး ကွက်ကျော်ရိုက်ပြီး ဆွဲစားသွားခဲ့တာပေါ့။ ပီရူးမှာ အဖမ်းခံနေရတဲ့ ဘင်ခမျာ ရွေးတဲ့ငွေမရောက်တော့ ဒုက္ခမျိုးစုံနဲ့ပေါ့။ အဲ့ဒီအချိန် ထောင်ထဲမှာ ဘင်ဟာ ကားလင့်ဇ်နဲ့ဆုံခဲ့တယ်။ 

ကားလင့်ဇ်ဆိုတာ ပေါ့သေးသေးမှ မဟုတ်တာ၊ ဂျာမန်လူမျိုး။ နာဇီဗိုလ်တစ်ဦးဖြစ်တဲ့ စကော်ဇနီရဲ့ လက်ရုံးတစ်ဦး။ ဂျာမန်တွေ ဒုတိယကမ္ဘာစစ်မှာ စစ်ရှုံးတော့ တောင်အမေရိကမှာ ရတနာအမြောက်အမြား ဝှက်ခဲ့တဲ့အထဲ ပီရူးမှာ ဝှက်ခဲ့တာလည်းပါတယ်။ အဲ့ဒါကို လင့်ဇ်က စကော်ဇနီရဲ့ ညွှန်ကြားချက်အတိုင်း ပီရူးကို ရတနာတွေလာအယူ ဟွမ်တာကဖမ်းမိသွားတာ။ ဘင်နဲ့ ကားလ်အပါအဝင် အကျဉ်းသားအချို့ကို ထောင်ပြောင်းဖို့လုပ်ရာကနေ နာဇီလက်ကျန်တွေက ထောင်ကားတွေကို ဝင်စီး၊ ဟွမ်တာတို့က ကျဆုံးပြီး လင့်ဇ်တို့နဲ့ ဘင်ပါလာခဲ့တယ်။ တိုက်ခိုက်မှုတွေလည်း ဖြစ်ခဲ့တော့ ဘင်ရဲ့မျက်နှာဟာ ဒဏ်ရာများစွာနဲ့ ပျက်စီးခဲ့တယ်။ နာဇီလက်ဟောင်းတို့ရဲ့ စခန်းမှာ ဘင့်ကို ပြုစုတဲ့သူက ပီလာ။ ကုဇကိုအကျဉ်းထောင်ထဲထိ ဝင်ပြီး လင့်ဇ်နဲ့တွေ့ကာ သူတို့လွတ်မြောက်ရေးကိစ္စမှာ ပါဝင်ခဲ့သူ။ လင့်ဇ်က ရတနာတွေအားလုံး သယ်ယူလို့အပြီးမှာ လူပိုဖြစ်လာတဲ့ ဘင်နဲ့ ပီလာကို အပြီးလုပ်ကြံဖို့ ကြိုးစားပေမယ့်တကယ်တမ်းမှာတော့ လင့်ဇ်တို့ နာဇီလူဟောင်းကြီးတွေ အကုန်ကျဆုံးပြီး ဘင်နဲ့ ပီလာတို့ဟာ အဖိုးတန် စိန်တွေနဲ့အတူ ပီရူးနိုင်ငံက ထွက်ခွာသွားတယ်ဆိုတဲ့ အခန်းမှာ ပထမပိုင်းပြီးဆုံးတယ်။

ဒုတိယပိုင်းမှာက ဘင်ဟာ ဂျနီဗာမြို့ပေါ်က သူဌေးကြီး ဘရန်ဒန်ဟော့ခ် ဖြစ်လာခဲ့တယ်။  သူ့ရဲ့ မျက်နှာဟာလည်း အစားထိုးကုသမှုတွေ လုပ်ခဲ့ရလို့ ဘင်ဆိုတာ လောကကြီးမှာ ပျောက်ကွယ်သွားခဲ့တယ်။ ဒါပေမယ့် သူ့ရဲ့ ရင်ဘတ်က လက်ဝါးကပ်တိုင်အမှတ်ကိုတော့ ဒီအတိုင်းထားခဲ့ပါတယ်။ အရမ်းချမ်းသာသွားတဲ့ ဘင်ဟာ ပထွေးဖြစ်သူ ဂျိုနဲ့ မိမိအား ပစ်သွားခဲ့တဲ့ ချစ်သူ ရှာနာတို့ကို ကလဲ့စားချေဖို့ ကြိုးပမ်းခဲ့တယ်။အဲ့ဒီလိုနဲ့ ဂျိုအဲရစ် ရိုက်မယ့် သွေးကလဲ့စားရုပ်ရှင် ထုတ်လုပ်သူဟာ ဘရန်ဒန်ဟော့ခ်ဖြစ်လာတယ်။ အသက်သေခါနီိးအထိ ဒုက္ခရောက်ခဲ့ရတဲ့ဘင်ဟာ သူ့အပေါ်မကောင်းခဲ့တဲ့ ဂျိုနဲ့ ရှာနာတို့သာမက ဂျော်ဒန်နဲ့ ဒက်ဗလင်တို့ကိုပါ အလှပဆုံး လက်စားချေနိုင်ခဲ့ပေမယ့် သူ့အတ္တအတွက်လည်း အများကြီးပေးဆပ်ခဲ့ရတယ်လေ။ 

ဟောလိဝုဒ်ရုပ်ရှင်လောကမှာ မာဖီးယားဂိုဏ်းတွေ ခြေရှုပ်ကြတာ၊ အများရှေ့ လူကြီးလူကောင်းပုံစံတွေဖြစ်ပေမယ့် ကန့်လန့်ကာနောက်ကွယ်မှာ မယုံနိုင်စရာတွေ ဖောက်ပြန်ကြတာ၊ စာနယ်ဇင်းလောကကို ငွေပေးပြီး မိမိအကျိူးအတွက် လိုရာသုံးကြတာတွေ၊ အစရှိတာတွေအပြင်စိတ်ဝင်စားဖွယ် အခြားသော ဇာတ်ဆောင်များ၊ ဇာတ်လမ်းဇာတ်ကွက်များနဲ့ စာရေးဆရာက လက်ကုန်ဖွင့်ရေးထားတဲ့ အချစ် အလွမ်း အကြမ်း အရမ်း ရသစုံလင်တဲ့ ဟောလိဝုဒ်နောက်ခံ ဝတ္ထုကောင်းတစ်ပုဒ်ဖြစ်သော မြတ်ငြိမ်း ဘာသာပြန်တဲ့ အိပ်မက်ပမာကို ဖတ်ဖြစ်အောင်ဖတ်စေချင်ပါတယ်လို့ ညွှန်းလိုက်ရပါတယ်။

ရုပ်ရှင်လောက နောက်ခံ ဝတ္ထုကောင်းတစ်ပုဒ်ဖြစ်တဲ့ အိပ်မက်ပမာဟာ မြတ်ငြိမ်း ဘာသာပြန်စာအုပ်တွေကြား ထင်ရှားကြော်ကြားတဲ့ စာအုပ်တစ်အုပ်ဖြစ်ပါတယ်။ အဓိကဇာတ်ဆောင် ဘင်အဲရစ်ဟာ နိမ့်ကျခဲ့စဉ်ကာလမှာ သူနာကျည်းတဲ့သူတွေကို ပြန်လည်ကလဲ့စားချေနိုင်ဖို့ အခွင့်အရေးရလာတဲ့အခါ၊ ... မြတ်ငြိမ်းရဲ့ ချောမွေ့တဲ့ ဘာသာပြန်နဲ့ အတူ ခုပဲ ဖတ်ကြည့်ကြပါစို့ဗျာ။ 

တကယ်လို့ ဖတ်မယ်ဆိုရင် ဒီပို့စ်မှာပါတဲ့ *ဝယ်မည်* ကိုနှိပ်၊ ဝန်ဇင်းမှာ ငွေကျပ် *၆၀၀* ကျပ်တည်းဖြင့် ဝယ်ယူဖတ်ရှုလိုက်ပါနော်။
 
အခြားစာအုပ်များဝယ်ယူရန် ။       ။ Wun Zinn App ၏ မူလစာမျက်နှာ ဘယ်ဘက်ခြမ်းရှိ “စာအုပ်များ” ( သို့မဟုတ် ) “စာအုပ်ရှာရန်” သို့ဝင်ရောက်၍ နှစ်သက်ရာ စာအုပ်များကို ရွေးချယ်ကာ ဝယ်ယူဖတ်ရှုနိုင်ပါတယ်။ 
…………

အခက်အခဲ တစ်စုံတစ်ရာရှိပါက သိလိုသည်များကို Hot Line - 09252545753 မှာ မေးမြန်းစုံစမ်းနိုင်ပါတယ်ခင်ဗျ။
…………
“ဝန်ဇင်းချစ်ပရိသတ်ကြီးအနေနဲ့ ခုမိတ်ဆက်လိုက်တဲ့ စာအုပ်ကိုဖတ်ရှုဖို့ စိတ်ဝင်စားတယ်ဆိုရင် ဒီပို့စ်လေးကို Like နဲ့ Share ပေးပြီး ဝန်ဇင်းကို အားပေးခဲ့ကြဖို့ မမေ့နဲ့နော်” “ခုလို စာအုပ်မိတ်ဆက်ပို့စ်နဲ့ ပတ်သက်ပြီးပဲဖြစ်ဖြစ်၊ စာအုပ်နဲ့ဆက်စပ်လို့ပဲဖြစ်ဖြစ် ဝန်ဇင်းချစ်ပရိသတ်ကြီးရဲ့ အမြင်တွေကိုလည်း ပို့စ်ရဲ့ Comment Box မှာ ဝင်ရောက်ရေးသားရင်း စာဖတ်သူအချင်းချင်း အမြင်ချင်း ဖလှယ်မျှဝေကြဖို့ ဖိတ်ခေါ်လိုက်ပါရစေ”
……
ဝန်ဇင်းပရိသတ်ကြီးကို မေတ္တာများစွာဖြင့် ချစ်ခင်လျက်။




Related Posts