Wun Zinn's Choice of the Week (8)


" မှန်သားမြို့တော် " ( ဒီနိုဗို )

"ကျွန်တော်တို့မှာ ငယ်စဉ်က ပုံနားထောင်သလိုမျိုး ဆက်ပြီးနားထောင်ချင်ကြသည်။ စကားလုံးတွေထဲက တကယ့်ဇာတ်လမ်းကို တွေးဆကြသည်။ သည့်အတွက် ဇာတ်လမ်းထဲက လူတွေနေရာမှာ ကိုယ့်ကိုယ်ကို အစားထိုးကြသည်။ အထဲကဇာတ်ကောင်ကို နားလည်သယောင် ဟန်ဆောင်ကြသည်။ ဒါက အမြင်မှားမှုတစ်ခုသာ" ( မှန်သားမြို့တော်မှ ... ) 

ဝန်ဇင်းပရိသတ်ကြီး မင်္ဂလာပါခင်ဗျာ ...

ဒီတစ်ပတ် ရုံးပိတ်ရက်မှာ ဝန်ဇင်းစာချစ်သူများအတွက် တင်ဆက်ပေးလိုတဲ့ စာအုပ်ကတော့ လျှို့ဝှက်သည်းဖို စွန့်စားခန်းတွေကို ဒဿနဆန်ဆန်ရေးထားတဲ့ စုံထောက်ဝတ္ထုပဲ ဖြစ်ပါတယ်ခင်ဗျ။ အဲ့ဒါကတော့ အမေရိကန်စာရေးဆရာ ပေါလ်အော်စတာ ( Paul Auster ) ရဲ့ သုံးအုပ်တွဲဝတ္ထုကြီး ( The New York Trilogy ) ထဲက ပထမအုပ် City of Glass ကို စာရေးဆရာ ဒီနိုဗို ဘာသာပြန်ထားတဲ့ "မှန်သားမြို့တော်" ဆိုတဲ့ စာအုပ်ပါပဲ။ 

အထက်မှာ ဦးဆုံးဖော်ပြခဲ့သလို စာရေးဆရာရဲ့ ပုံဖော်အကွက်ချမှုထဲ နစ်ဝင်သွားတတ်တဲ့ အရေးအသားမျိုးကို ဒီစာအုပ်မှာ မြင်တွေ့ရမှာ မဟုတ်ပါဘူး။ စုံထောက်စာရေးဆရာတစ်ယောက်ဖြစ်တဲ့ ကွင်းဟာ ရှုပ်ရှုပ်ထွေးထွေး အရာဝတ္ထုတွေ၊ အဖြစ်အပျက်တွေကြား သွားလာနေတတ်သူ၊ ကြည့်ရှုနေတတ်သူ၊ နားထောင်နေတတ်သူမျိုး၊ အဲ့ဒီအရာတွေကို ဆက်စပ်ပြီး အတွေးတွေ အကြံတွေထုတ် အဓိပ္ပါယ်ရှာနေတတ်သူလည်း ဖြစ်တယ်။ ဝတ္ထုထဲ သူ့ရဲ့ ပါဝင်ပတ်သက်မှုရဲ့ အဓိက အကြောင်းအရင်းက နေရာတိုင်းလိုလိုမှာ ရှိနေပြီး စာအုပ်မပြီးမချင်း ဘယ်အရာက အစ၊ ဘယ်အရာက အလယ် ဆိုတာ ကောက်ချက်ဆွဲလို့မရအောင် စိတ်ဝင်စားဖို့ ကောင်းလှတယ်။ 

"စာရေးဆရာဆိုတာ သူရေးသားထားသည့် ဝတ္ထုကတစ်ဆင့် သိနိုင်ပါသလား ဆန်းစစ်ထားသည်။ တစ်ချိန်တည်းမှာ စာရေးဆရာဆိုသည်မှာ ဝတ္ထုတစ်ပုဒ် ( စာပေလက်ရာတစ်ခု )၏ တကယ့်အဆုံးသတ် အဓိပ္ပါယ်တစ်ခုခုကို သတ်မှတ်ပေးနိုင်သည့် တစ်ဦးတည်းသောသူ ဖြစ်သည်ဆိုသည့် အယူအဆမှာ ဘာမှမဟုတ် လှိမ့်လုံးတစ်ခုသာဖြစ်ကြောင်၊ ဘယ်လိုမှ အဆုံးအဖြတ် မပေးနိုင်သည့် အခြေခံစာပေ အရွဲ့တိုက်မှုသာဖြစ်ကြောင်း ညွှန်းနေခဲ့သည်" ( စာအုပ်၏ နိဂုံးသုံးသပ်ချက်မှ ... ) 
စာဖတ်သူကို စာအုပ်ရဲ့အဆုံးထိ လိုက်ပါပြီး ဖြစ်နိုင်ခြေရှိတဲ့ အဖြေတစ်ခုခုကို အာရုံစိုက်စေခြင်းနဲ့ ဇာတ်ကြောင်းပြောသူက စာဖတ်သူများကို စုံထောက်ရဲ့ ဂိမ်းထဲ ပါဝင်ကစားစေတာကို ဝန်ဇင်းပရိသတ်ကြီး ဖတ်ရှုရင်း တွေ့မြင်လာမှာပါ။ 

ဒီစာအုပ်ဟာ Anti-Detective ဝတ္ထုပုံစံ ဖြစ်ပါတယ်။ Anti-Detective ဝတ္ထုတွေဟာ ပို့စ်မော်ဒန် စာပေအမျိုးအစားတစ်ခုဖြစ်ပြီး မြင်နေကျ စုံထောက်ဝတ္ထုတွေလိုမျိုး စာရေးဆရာရဲ့ ဇာတ်လမ်းဇာတ်ကွက်အပေါ် စိတ်ကြိုက်ခြယ်လှယ်နိုင်မှုတွေကို မေးခွန်းထုတ်ထားတဲ့ ပုံစံဖြစ်တယ်။ စုံထောက်ဟာ စာရေးဆရာရဲ့ ကိုယ်စားလှယ်အဖြစ် သဲလွန်စတွေကို အဖြေရှာ၊ စာရေးဆရာ ဆင်ထားတဲ့ ဇာတ်ကွက်ကို ဝေဖန်သုံးသပ်ရတဲ့ သမားရိုးကျ စုံထောက်ဝတ္ထုတွေရဲ့ သဘောကို ဒီ မှန်သားမြို့တော်ဝတ္ထုက ပြောင်းပြန်လှန်ထားတာ တွေ့ရမှာပါ။ 

ကဲ ... ဝတ္ထုထဲက အရေးအသားနဲ့ အဖြစ်အပျက်တွေကို မျက်ခြေပြတ်လို့မရဘဲ အတွေးအခေါ်ပိုင်း စိန်ခေါ်မှုတွေကို စိတ်ဝင်စားတယ်ဆိုရင်တော့ ခုပဲ ဝန်ဇင်းမှာ ဒီစာအုပ်လေးတွေကို ဝယ်ယူ ဖတ်ရှုကြဖို့ တိုက်တွန်းလိုက်ပါတယ်ဗျာ ...။ 

ဖတ်ချင်တဲ့ သူငယ်ချင်းတွေ ရှိနေမှာမို့ မျှဝေဖို့လည်း မမေ့နဲ့ဦးနော် ... ????

ဝန်ဇင်းမှာဝယ်ဖတ်မယ်ဆို ၆၀၀ ကျပ်တည်းဖြင့် လွယ်ကူသက်သာစွာ ဝယ်ယူဖတ်ရှုနိုင်ပါတယ် 
ဝန်ဇင်းပရိသတ်ကြီးကို ချစ်ခင်စွာဖြင့် ......

Related Posts