Weekly Hot News - 2
"Weekly Hot News" အဆိုတော်စန္ဒီမြင့်လွင်နဲ့ ကိုသီဟလွင်တို့ရဲ့ မင်္ဂလာဧည့်ခံပွဲကို မတ်လ ၁၁ ရက်နေ့ နေ့လည် ၁ နာရီက နိုဗိုတယ် ဟိုတယ်မှာ ခမ်းခမ်းနားနား ကျင်းပပြုလုပ်ခဲ့ပြီး ဒီမင်္ဂလာပွဲကိုတော့ ဖိတ်ကြားထားတဲ့ လူကြီးမင်းများ၊ အနုပညာအသိုင်းအဝိုင်းမှ မိတ်ဆွေများ၊ မောင်နှမများနဲ့ မီဒီယာအသီး သီး က တာဝန်ရှိသူတွေက တက်ရောက်အားပေးခဲ့ကြပါတယ်။ စန္ဒီမြင့်လွင်နဲ့ ကိုသီဟလွင်တို့ကတော့ ချစ်သူ သက်တမ်း ၁ နှစ်ခွဲအကြာမှာ လက်ထပ်ခဲ့တာဖြစ်ပါတယ်။ စန္ဒီမြင့်လွင်အနေနဲ့ အနုပညာရှင် တစ်ယောက်ဖြစ်တဲ့အတွက် လက်ထပ်ပြီးသွားရင်လည်း အနုပညာအလုပ်တွေ ဆက်လုပ်သွားမယ်လို့ သိရပါတယ်။ အင်မတန်ကို လှပလွန်းတဲ့ ရွှေရောင်ဆင်တူ ဝတ်စုံလေးတွေနဲ့ ကျက်သရေရှိလွန်းလှပါတယ်။ အခုချိန်မှာတော့ မင်္ဂလာပွဲဆင်နွှဲရင်းနဲ့ ရင်တွေအရမ်းခုန်နေတယ်လို့ ဆိုပါတယ်။ မင်္ဂလာမော်ကွန်းတင် လက်မှတ်ရေးထိုးပွဲမှာလည်း ငွေရောင်မြန်မာဝတ်စုံလေးနဲ့ အတူ လှချင်တိုင်းလှပြီး ချစ်စရာကောင်းလှတဲ့ ဇနှီးမောင်နှံ နှစ်ဦးရဲ့ အပြုံးလေးတွေက တက်ရောက်လာကြတဲ့ ဧည့်ပရိသတ်တွေနဲ့ အတူ ချစ်ခင်အားပေးလျှက်ရှိတဲ့ စန္ဒီမြင့်လွင်ရဲ့ ပရိသတ်တွေကလည်း အားကျခဲ့ရပါသေးတယ်။
