စိတ်ခွန်အားဖြစ်ဖွယ်စာစုများ [Motivational Article - 13]


“ကမ္ဘာ့ကုလသမဂ္ဂအတွင်းရေးမှူးချုပ် လူငယ်တွေကို ဘာပြောခဲ့သလဲ” 

၁။ ရည်ရွယ်ချက်ရှိပါ - လောက၌ ရည်ရွယ်ချက်မရှိသောသူသည် မည်သည့်အရေးသို့သွားရန်မသိသေးသော ခရီးသည်နှင့်တူ၏။ ကြီးပွားလိုသော လူတိုင်း၌ ရည်ရွယ်ချက်ရှိရမည်။ သုံးလူ့ထွတ်ထား သဗ္ဗညုဘုရားပင်လျှင် တစ်ခုတည်းသော ရည်ရွယ်ချက်ဖြင့် ကြိုးစားအားထုတ်တော်မူခဲ့ပေသည်။ မည်သူမဆို ငယ်စဉ်ကပင် မှန်းခြေတစ်ခုရှိရမည်။ မှန်းခြေရှိသော လူတို့သည် မိမိတို့လုပ်ငန်း၌ လွယ်ကူသည်သာမက မှန်းခြေမရှိသောသူထက် မနှိုင်းယှဉ်သာအောင် ကြီးပွားကြလေသည်။ 

၂။ သူများနှင့်မတူအောင်လုပ်ပါ - ထိုအချက်သည် ဆန်းဆန်းဖြစ်သည်။ သို့ရာတွင် စေ့စေ့တွေးသော် ကြီးပွားသောသူတို့၏ လက်သုံးအချက်ကြီးဖြစ်သည်။ သူများကဲ့သို့လုပ်လျှင် သူများကဲ့သို့ပင် ဖြစ်မည်။ သူများနှင့်မတူအောင်လုပ်လျှင် သူများနှင့်တူမည်မဟုတ်ချေ။ မြတ်စွာဘုရားသည် ခပ်သိမ်းသောသူတို့နှင့် မတူအောင် အားထုတ်တော်မူခဲ့၍ သူများနှင့်မတူသော သဗ္ဗညုအဖြစ်သို့ ရောက်ရှိခဲ့ပေသည်။ 

၃။ အများသဘောကိုမလိုက်နှင့် - အများသဘောသည် အမှားပေါ၏။ လောက၌ ပညာရှိသောသူနှင့် မရှိသောသူ အရေအတွက်ကို နှိုင်းယှဉ်ကြည့်လျှင် ပညာရှိသူက မနှိုင်းယှဉ်လောက်အောင် နည်းလှ၏။ အများသဘောကိုမလိုက်နှင့်ဟု ဆိုရာ၌ မည်သည့်အခါမဆို အများသဘောနှင့် ဆန့်ကျင်ရမည်ဟု မဆိုလိုပေ။ မည်သည့်ကိစ္စ၌မဆို “ဟာ … အများသဘောပါ” ဟု ပြောလေ့ရှိသောသူကို အသုံးမကျသူဟူ၍ မှတ်အပ်၏။ အများသဘောသည် မှားလျှင်လည်း မှားကြောင်း ညွှန်ပြနိုင်ရမည်။ ဆန့်ကျင်ရဲရမည်။ ရေလိုက်ငါးလိုက် နေသောသူတို့သည် မကြီးပွားနိုင်ကုန်။ 

၎။ ပြုပြင်ရန်မကြောက်နှင့် - လောက၌ ဘာသာရေးမှလွဲလျှင် အားလုံးသောကိစ္စဟူသမျှသည် အမြဲပြုပြင်ပြောင်းလဲလျက်ရှိ၏။ အဝတ်အစား အနေအထိုင် အပြောအဆို အယူအဆ စသည်တို့မှာ အမြဲပြောင်းလဲလျက်ရှိ၏။ ယခုခေတ်သည် အလွန်မြန်နိုင်မှ တော်ရုံရှိ၏။ အပြေးသွား အပြေးလာ အပြေးလုပ်ရသော ခေတ်ကြီးဖြစ်၏။ ဘဝသံသရာ ကြီးပွားရေးအတွက် ပြုပြင်ရေးသည်လည်း အထူးအရေးကြီးလှပေသည်။ 

၅။ မယုံလွယ်နှင့် - မစဉ်းစားဘဲ ယုံလွယ်သူပေါများသော တိုင်းပြည်သည် အောက်တန်းကျသော တိုင်းပြည်ဖြစ်၏။ အသိဉာဏ်ကို ချင့်ချိန်နိုင်ရန် ၄င်းတိုင်းပြည်၏ သတင်းစာကိုကြည့်၍ အကဲခတ်နိုင်၏။ သတင်းစာများတွင် မြတ်စွာဘုရား ဆင်းတုတော်မှ မျက်ရည်ကျခြင်း၊ ကိုယ်ဝန်ရှိသော ဥစ္စာစောင့်မ၊ နတ်ပေးသောကလေး စသည်ဖြင့် ခေါင်းတပ်ထားသော ဆောင်းပါးများကို အလုအယက်ဖတ်သမျှ ကာလပတ်လုံး မြန်မာလူမျိုးတို့၏ အဆင့်အတန်းသည် ခေတ်မီရန် များစွာလိုသေးသည်ဟု ဆိုရမည်ဖြစ်သည်။ ပြောတိုင်းမယုံနှင့်၊ ယုံတိုင်းလည်းမပြောနှင့်၊ ချင့်ချိန်မှန်းဆ၍ ပြုလုပ်ပြောဆိုရာ၏။ ဤသည်လည်း ကြီးပွားရေး လှေကားတစ်ထစ်ပေတည်း။ ( ဦးသန့် ) 

ရည်ညွှန်း - ကြီးပွားရေးမဂ္ဂဇင်း
………….
“ဝန်ဇင်းပရိသတ်ကြီးအနေနဲ့ လေးစားဖွယ်ကောင်းသော ဦးသန့်၏ ဆုံးမ မှာကြားချက်စကားများကို လိုက်နာကျင့်သုံးမယ်ဆိုရင် ဒီပို့စ်လေးကို Like နဲ့ Share လုပ်ပြီး ဝန်ဇင်းကို အားပေးခဲ့ကြဖို့ မမေ့နဲ့နော်” “စာချစ်သူတို့ ပြောလိုသည်များကိုပို့စ်ရဲ့ Comment Box မှာ ရေးသားမျှဝေခဲ့နိုင်ပါတယ်ခင်ဗျ”
ဝန်ဇင်းပရိသတ်ကြီးကို မေတ္တာများစွာဖြင့် ချစ်ခင်လျက်။ 

Related Posts