စိတ်ခွန်အားဖြစ်ဖွယ်စာစုများ [Motivational Article - 11]
“အလွယ်တကူ အရှုံးပေးတတ်တဲ့စိတ်က ပြင်ရခက်လား” - ကိုယ်အရမ်းလိုချင်တဲ့အလုပ်ကို မရတဲ့အခါ နောက်အလုပ်တွေအတွက် ဆက်လက်ကြိုးစားဖို့ လက်လျှော့အရှုံးပေးမှု၊ - စတင်ကတည်းကအရှုံးပေါ်တဲ့ လုပ်ငန်းကို ဆက်လက်လုပ်ကိုင်သွားဖို့ လက်လျှော့အရှုံးပေးမှု။ - အပြေးပြိုင်ပွဲတစ်ခုမှာ တာထွက်တာနဲ့ ချော်လဲသွားတယ်၊ ဆက်ပြေးဖို့အတွက် လက်လျှော့အရှုံးပေးမှု။ ဘာမဆိုဖြစ်နိုင်ပါတယ်။ ဘယ်လိုအရာနဲ့ပဲကြုံကြုံ အဲ့ဒီအရာနဲ့ ပတ်သက်ပြီး အလွယ်တကူ လက်လျှော့အရှုံးပေးလိုက်တတ်တဲ့ အကျင့်ကလေးတွေက ကျွန်တော်တို့ရဲ့ မသိစိတ်ထဲမှာ ကိန်းအောင်းနေတတ်ကြတယ်။ တစ်ခါတလေမှာ အကြောင်းပြချက် ခိုင်ခိုင်လုံလုံမရှိဘဲနဲ့တောင် ဆက်လက်ကြိုးစားဖို့ လက်လျှော့လိုက်တတ်ကြတယ်။ ဒါဟာ ကိုယ်အလိုရှိတဲ့အရာကို တကယ်လိုချင်တဲ့စိတ်မရှိလို့ပါပဲ။ ကိုယ်အလိုရှိတဲ့အရာကို တကယ်လိုချင်တဲ့စိတ်မရှိဘူးဆိုရင် အဲ့ဒီအရာကို လက်လျှော့အရှုံးပေးလိုက်ဖို့ ပိုမိုလွယ်ကူပါတယ်။ ဘယ်လိုပဲအရာတွေပဲ ဖြစ်ဖြစ် အဲ့ဒီအပေါ်မှာ ကျွန်တော်တို့အတွက် အခွင့်အရေး တစ်စုံတရာကတော့ ရှိနေမြဲပါပဲ။ ဒီအခွင့်အရေးကို ကျွန်တော်တို့ ဆက်ပြီးယူမလား၊ လက်လွှတ်လိုက်ကြမလား ? အလွယ်တကူအရှုံးပေးတတ်စိတ်ရဲ့ လွှမ်းမိုးမှုကို ခံသွားမလား၊ ဒီစိတ်ကို တုံ့ပြန်အနိုင်ယူမလားဆိုတာကတော့ သင့်ရဲ့လက်ထဲမှာပါ။ အလွယ်တကူ အရှုံးမပေးပါနဲ့။ လက်လျှော့အရှုံးပေးတတ်တဲ့စိတ်ကို ခုပဲ လွှင့်ပစ်လိုက်ပါတော့။ ကိုယ်အလိုရှိတဲ့အရာကို ကိုယ်တကယ်ပဲ လိုချင်တာလားဆိုတာ ပြန်လှန်စဉ်းစားပါ။ ကိုယ်တကယ်ပဲ လိုလိုချင်ချင်ရှိတဲ့အရာ ဖြစ်နေတယ်ဆိုရင် အဲ့ဒီ လိုချင်စိတ်၊ အောင်မြင်ချင်စိတ်၊ တိုးတက်ချင်စိတ်၊ တတ်မြောက်လိုစိတ်ကို နည်းနည်းမှ အလျော့မခံလိုက်ပါနဲ့။ အဲ့ဒီစိတ်ကလေး အနည်းငယ်မျှ လျော့နည်းသွားပြီဆိုတာနဲ့ အလွယ်တကူ လက်လျှော့အရှုံးပေးတတ်တဲ့စိတ်ဟာ ချိန်ကိုက်ဗုံးလိုပဲ သင့်မသိလိုက်ခင်မှာပဲ သင့်ဆီတွယ်ကပ်သွားပါပြီ။ အဲ့ဒီချိန်ကိုက်ဗုံးက အခက်အခဲတစ်စုံတရာ ကြုံတွေ့ရင်ဆိုင်လိုက်ရတာနဲ့ ထပေါက်ကွဲမှာ အသေအချာပါပဲ။ ဒါကြောင့် ကိုယ်အလိုရှိတဲ့အရာအပေါ် တကယ်ပဲ လိုလိုချင်ချင်ရှိတဲ့စိတ်ကို အာရုံစိုက်ထားပါ။ ကိုယ့်ရဲ့ ဆောင်ရွက်မှုမှန်သမျှအတွက် အဲ့ဒီစိတ်ကလေးက ခွန်အားတစ်ရပ်ဖြစ်နေပါစေ။ ၁။ ကိုယ်ရဲ့ စွမ်းရည်ကို ကန့်သတ်မထားပါနဲ့။ သုံးကြိမ်အထိပဲ ကြိုးစားမယ်ဆိုတာမျိုး၊ နောက်တစ်ကြိမ်မှ မအောင်မြင်ရင် တော်ပြီ၊ ဆက်မလုပ်တော့ဘူးဆိုတာမျိုး၊ ဒါနောက်ဆုံးအကြိမ်ဆိုတာမျိုး … စတဲ့ ကိုယ့်ရဲ့ လုပ်ဆောင်နိုင်စွမ်း အရည်အချင်းကို ကန့်သတ်မထားပါနဲ့။ သင်ကန့်သတ်လိုက်တဲ့ ပမာဏရောက်လို့မှ ကိုယ်ဖြစ်ချင်တာ ဖြစ်မလာရင် နောက်တစ်ဆင့် ဆက်ကြိုးစားဖို့စိတ်အင်အားက သုညကို ရောက်ရှိသွားပါပြီ။ ၂။ “ဘယ်လိုလုပ်ရမလဲ” ဆိုတာမျိုးထက် “ဘယ်လိုလုပ်ရင်ရနိုင်မလဲ” ဆိုတာမျိုးကို နည်းနည်းလောက်ပြောင်းပြီး တွေးကြည့်လိုက်ပါ။ ဖြေရှင်းရခက်နေတဲ့ ကိစ္စတစ်ခုကို “ဘယ်လိုလုပ်ရမလဲ” ဆိုပြီး စဉ်းစားတွေးကြည့်တာထက် “ဘယ်လိုလုပ်ရင်ရနိုင်မလဲ” ဆိုပြီး စဉ်းစားကြည့်တာက ပြဿနာကို ဖြေရှင်းနိုင်ဖို့ အခွင့်အလမ်းတွေ ပိုပြီးပေါ်ပေါက်လာနိုင်ပါတယ်။ ဒီလိုဆိုရင် အဲ့ဒီပြဿနာကိစ္စရပ်ကို လက်လျှော့အရှုံးပေးလိုက်ဖို့ ရာနှုန်းလည်း ပိုပြီး လျော့နည်းသွားပါလိမ့်မယ်။ ၃။ “ဒါ မဖြစ်နိုင်ဘူး” ဆိုတဲ့ အတွေးကို လုံးဝလွှင့်ပစ်လိုက်ပါ။ လက်ရှိတွေ့မြင်နေရတဲ့ သိပ္ပံနဲ့နည်းပညာ ဖွံ့ဖြိုးတိုးတက်မှုတွေ ဖြစ်ပေါ်လာအောင် ကြိုးပမ်းခဲ့တဲ့ ပုဂ္ဂိုလ်တွေ၊ ကြီးကျယ်ခမ်းနားတဲ့ အောင်မြင်မှုအရပ်ရပ်ကို ပိုင်ဆိုင်ထားတဲ့ ကမ္ဘာကျော်ပုဂ္ဂိုလ်တွေဟာ သူတို့ရဲ့ အတိတ်ကြိုးပမ်းမှုကို ပြန်ကြည့်လိုက်ရင် “မဖြစ်နိုင်ဘူး” ဆိုပြီး အကြောင်းပြ ဆင်ခြေပေးမှုနဲ့ “အလွယ်တကူ အရှုံးပေးမှု” တို့ကို ကျော်ဖြတ်နိုင်ခဲ့တယ်ဆိုတာ တွေ့ရပါလိမ့်မယ်။ ဒါကြောင့် … သင်ဖြစ်ချင်တဲ့အရာ၊ သင်လုပ်ချင်တဲ့အရာအပေါ် ဘယ်တော့မှ အရှုံးမပေးပါနဲ့။ Ref; lifehack.org “သင်ဟာ အလွယ်တကူအရှုံးမပေးတတ်တဲ့သူ ဖြစ်တယ်ဆိုရင် ဒီပို့စ်လေးကို Like နဲ့ Share ပေးခဲ့ဖို့ မမေ့နဲ့နော်” “အလွယ်တကူအရှုံးပေးတတ်တဲ့စိတ်ကို ဘယ်လိုပြုပြင်ရင်ရမလဲဆိုတဲ့အပေါ် စာချစ်သူတို့ရဲ့ အမြင်လေးကိုလည်း comment မှာ မျှဝေပေးသွားပါဦးခင်ဗျ” ဝန်ဇင်းပရိသတ်ကြီးကို ချစ်ခင်စွာဖြင့် …
