အဓိပ္ပာယ်ရှိသော တိုက်ဆိုင်မှုများ အပိုင်း ( ၂ ) ...
အဓိပ္ပာယ်ရှိသော တိုက်ဆိုင်မှုများ အပိုင်း ( ၂ ) အဓိပ္ပာယ်ရှိသည့် တိုက်ဆိုင်မှုများ အကြောင်းကို နှစ်ဆယ်ရာစု စိတ်ပညာရှင် ‘ကားလ်ယွန်း’ က နက်ရှိုင်းစွာ လေ့လာ သုတေသနပြုခဲ့သည်။ ယွန်းမှာ ဆွစ်လူမျိုး ဘုန်းတော်ကြီးတစ်ပါးက (၁၈၇၅) တွင် မွေးခဲ့သည်။ သူသည် သမားတော်ကြီးဖြစ်ပြီး အာရုံကြောဆိုင်ရာ ဘာသာရပ်ပါရဂူ ဖြစ်သည်။ စိတ်ခွဲသရုပ်ပညာရှင် ‘ဆစ်ဂမန်ဖရိုက်’ ၏ စာများကို လေ့လာခဲ့ကာ (၁၉၀၇) မှ (၁၉၁၃) ထိ ဖရိုက်၏ အရင်းနှီးဆုံးတပည့် ဖြစ်လာသည်။ ယွန်းသည် အဓိပ္ပာယ်ရှိသော တိုက်ဆိုင်မှုများစွာကို သူ့ဘဝတစ်လျှောက်လုံး အသေးစိတ် လေ့လာခဲ့သည်။ (၁၉၀၉) တွင် သူ့ဆရာ ‘ဖရိုက်’ နှင့် ‘ယွန်း’ သည် ထူးခြားသော တိုက်ဆိုင်မှုတစ်ခုကို ကြုံခဲ့သည်။ စိတ်ပညာရှင်နှစ်ဦးသည် စိတ်စွမ်းအင်ဆိုင်ရာ ကိစ္စရပ်များကို ဆွေးနွေးနေသည်။ ထိုအချိန်တွင် ပေါက်ကွဲသံကြီးတစ်ခုကို နှစ်ဦးစလုံး ကြားလိုက်ရသည်။ ဖရိုက်ကတော့ သိပ်ဂရုမစိုက်ဘဲ သူ့စကားကိုသာ သူ ဆက်ပြောနေသည်။ ထိုအချိန်၌ ပေါက်ကွဲသံတစ်ခု ထပ်ကြားလိုက်ရပြန်သည်။ သေချာပြီ။ ဤ ပေါက်ကွဲသံသည် သူတို့ အခန်းထဲမှသာ ဖြစ်မည်။ ဖရိုက် စကားမဆက်နိုင်တော့။ ထကြည့်လိုက်တော့မှ အပူပေးသော ပိုက်လုံးများ ကျုံ့လိုက်၊ ကျယ်လိုက် ဖြစ်ရာမှ ပေါက်ကွဲမှုဖြစ်ကြောင်း တွေ့ရသည်။ အဓိပ္ပာယ်မှာ သူတို့နှစ်ဦး ဆွေးနွေးနေသော အကြောင်းအရာများထဲတွင် နာမ်ပိုင်းဆိုင်ရာ ကိစ္စများနှင့် ပတ်သက်၍ သံသယဖြစ်စရာများ ပေါ်လာကာ ယုံကြည်စရာကိစ္စများ ရှိလျှင် ပေါက်ကွဲမှုများ ပြကာ ဆွေးနွေးမှုကို ရပ်တန်းကရပ်ရန် ပြသခြင်းဖြစ်သည်ဟု ယူဆကြသည်။ ‘ယွန်း’ ၏ အိမ်တွင် လျှပ်စစ်လူခေါ်ခေါင်းလောင်း ရှိသည်။ ထို ခေါင်းလောင်းမှာ ‘ဆာကစ်’ တစ်ခု ချွတ်ယွင်းကာ တီးသည့်အခါတွင် မမြည်။ သူ့ဘာသာသူ မြည်ချင်သည့် အခါတွင် မြည်တတ်၏။ ‘ယွန်း’ ၏ အတွေးအကြုံအရ တစ်ခုခု ထူးထူးဆန်းဆန်း ဖြစ်စရာအကြောင်း ပေါ်လာခါနီးတွင် ထိုခေါင်းလောင်း ထမြည်တတ်သည်။ တစ်ခါကလည်း ယွန်းသည် သူ့လူနာတစ်ဦးအား ပိတုန်းအကြောင်း ရှင်းပြနေစဉ် အလွန် အရွယ်အစားကြီးမားပြီး အရောင် အလွန်တောက်ပသော ပိတုန်းကြီးတစ်ကောင် အခန်းထဲ ဝင်လာသည်။ ထိုပိတုန်းမှာ အလွန်ရှားပါးသော အီဂျစ်လူမျိုးတို့၏ အစီအရင် ပိတုန်းနှင့် တစ်ထေရာတည်း ဖြစ်သည်။ (၁၉၅၂) တွင် ‘ယွန်း’ သည် အိမ်ထောင်ဖက် (၁၈၀) တို့၏ ဇာတာခွင်များကို စေ့စေ့စပ်စပ် လေ့လာကာ ထိုအိမ်ထောင်ဖက်များသည် တစ်ဘဝမဟုတ် တစ်ဘဝ ဆက်စပ်မှုများ ရှိဖူးသူများဖြစ်ပြီး တိုက်ဆိုင်ကြုံကြိုက် ဆုံစည်းမှုပေါင်း များစွာ ရှိကြကြောင့် ထုတ်ဖော် ပြောကြားခဲ့သည်။ ထို အဖြစ်အပျက်များကို လေ့လာကာ ယွန်းက ‘ဆင်ခရွန်စင်နီစီတီသီဝရီ’ ကို ထုတ်ဖော်ခဲ့သည်။ ‘ဆင်ခရွန်စင်နီစီတီ (Synchronicity) ဆိုသော စာလုံး၏ အဓိပ္ပာယ်မှာ - တစ်ချိန်တည်းတွင် ဖြစ်ပျက်မှု - ဟု ဆိုလိုသည်။ ‘အချိန်တစ်ချိန်တွင် ဖြစ်ပျက်သော အရာဟူသမျှ၌ ထို အခိုက်အတန့်၏ အရည်အသွေးအားလုံး ရှိသည်။ တစ်ချိန်တည်းတွင် ဖြစ်ပျက်သမျှ အဖြစ်အပျက် အားလုံးသည်လည်း ဆက်နွယ်မှုများ ရှိကြသည်’ ဟူသော သဘောတရားကို ယွန်းက တင်ပြခဲ့သည်။ ဟိန်းလတ် ။ ။ အခု ဖော်ပြလိုက်တဲ့ အကြောင်းအရာကို ဆရာဟိန်းလတ်ရေးတဲ့ ‘စိတ်နှင့်ဂမ္ဘီရ၊ အသိရခက်သော ဖြစ်ရပ်ဆန်းများကို လေ့လာခြင်း’ စာအုပ်မှ ကောက်နုတ် ဖော်ပြထားတာပဲ ဖြစ်ပါတယ်။ ဆရာဟိန်းလတ်ရဲ့ စာအုပ်တွေကို ဖတ်ရှုချင်တယ်ဆိုရင် ဝန်ဇင်းမှာ ရယူဖတ်ရှုနိုင်ကြောင်း သတင်းကောင်းပါးလိုက်ပါရစေ။
