‘လက်တွေ့အကြားအမြင်ရနည်း’ [ လျှို့ဝှက်ဆန်းကြယ် ]
‘လက်တွေ့အကြားအမြင်ရနည်း’ - ဟိန်းလတ် - “ရှေးခေတ်အိန္ဒိယပြည်နှင့် ရှေးခေတ်ဂရိပြည်မှ လူကြီးသူမများက မိမိတို့၏အရိပ်ကိုမိမိ ရေထဲမှာ အရိပ်ထင်နေသည်ကို မကြည့်သင့်ဟု အယူရှိကြသည်။ ဂရိလူမျိုးတို့၏ အယူအရ၊ မိမိအရိပ်ကို မိမိ ရေထဲမှာ ပေါ်နေသည်ကို အိပ်မက်,မက်က ထိုသူ သေတတ်သည်ဟု ယုံကြည်တတ်ကြ၏။” ( ဆာဂျိမ်းစ်ဖရေဇာ ) ကျောက်မျက်ရတနာများနှင့် အခြားသော သဘာဝကျောက်များ၏ ဂမ္ဘီရသတ္တိနှင့် ပတ်သက်၍လည်း ယုံကြည်မှုတွေ စွဲလမ်းမှုတွေ များစွာရှိကြသည်။ ဥပမာ ဆိုပါစို့။ အချို့ကျောက်များကို လာဘ်တိတ်စေသည်ဟု ယူဆကြသကဲ့သို့ အချို့ကျောက်များကျတော့ ရောဂါဘယတွေ ပျောက်သည်ဟု ဆိုကြပြန်သည်။ အချို့ကလည်း သလင်းကျောက်ကို ပြောင်အောင် ပွတ်တိုက်ထားပြီး ဖန်ဂေါ်လီလို လုံးထားလျှင် အနာဂတ်ကို မြင်နိုင်သော အာရုံပေါ်စေသည်ဟု ဆိုသည်။ ထို့ကြောင့် အချို့သော နိမိတ်ဖတ်ပညာရှင်များက ဖန်လုံးဗေဒင် ဟောရာတွင် သလင်းကျောက်ဖန်လုံးကို သုံးကြခြင်း ဖြစ်သည်။ ဖန်လုံးကဲ့သို့ပင် ရေဇလုံတစ်ခုမှာ အမည်းရောင်မင်တွေ အပြည့်ထည့်ကာ ထိုမင်ဇလုံကို အာရုံခံကြည့်၍လည်း အနာဂတ် အဖြစ်အပျက်ကို ဟောနိုင်သည်ဟု ဆိုကြပြန်သည်။ မှန်ဘီလူးခုံးတစ်ခု နောက်ကျောတွင် ဆေးမည်းသုတ်ထားတာမျိုး၊ ကျောက်မီးသွေးအမည်းကို ပြောင်အောင် ပွတ်တိုက်ပြီး အာရုံခံကြည့်တာမျိုးတွေလည်း ရှိသေးသည်။ ( ၁၆ ) ရာစုက ဝိဇ္ဇာပညာရှင်တစ်ဦးဖြစ်သူ ‘အက်ဒွပ်ကယ်လီ’ သည် ပြောင်အောင် ပွတ်တိုက်ထားသော ကျောက်မီးသွေးခဲဖြင့် ဗေဒင်ဟောရာတွင် အတော်စွမ်းခဲ့သည်။ သူက စကော့ပြည်မှ မိဖုရားမေရီ အကွပ်မျက်ခံရမည်ကို နှစ်အတော်ကြာကပင် ကြိုတင်၍ ဟောကိန်းထုတ်နိုင်ခဲ့သည်။ သာမန်အားဖြင့် စဉ်းစားကြည့်လျှင် ကျောက်မီးသွေးခဲမှာ ဘာမှ သတ္တိမရှိ။ ကျောက်မီးသွေးခဲကို ပြောင်လက်နေအောင် ပွတ်ထား၍ ဘာအစွမ်းသတ္တိမှ ထွက်လာစရာ လမ်းမမြင်။ သို့ဆိုလျှင် လူအများစုအဖို့ ဤ ကျောက်မီးသွေးခဲကို တစ်နေကုန်စိုက်ကြည့်၍ ဘာမှ မမြင်ရသော်လည်း လူတချို့ကမူ ကျောက်မီးသွေးခဲကိုကြည့်ပြီး အစစအရာရာ ကြိုတင်ဟောကိန်းထုတ်နိုင်တာ ဘာကြောင့်လဲ။ ဂမ္ဘီရပညာရှင်များက ထိုပြဿနာ၏ အဖြေကို သုံးမျိုးသုံးစား ဖြေရှင်းပြကြသည်။ ( က ) ကျောက်မျက်ရတနာ ( သို့ ) သလင်းကျောက်များတွင် ဂမ္ဘီရတန်ခိုးသတ္တိ ကိန်းဝပ်မနေတာကတော့ သေချာသည်။ သို့သော် ဝတ်ဆင်သူ ( သို့ ) အသုံးပြုသူကိုကား စိတ်ပိုင်းဆိုင်ရာ လွှမ်းမိုးမှု ရှိနိုင်သည်။ တစ်နည်းပြောရလျှင် ကျောက်မျက်ရတနာ တစ်မျိုးမျိုးကို ခိုက်တတ်သည်ဟု ယူဆထားလျှင် ထိုကျောက်မျက်ရတနာကို ဝတ်ဆင်သူ၏ စိတ်သည်လည်း ထိုအစွဲ၏ ဖိစီးခံရပြီး အမှားအယွင်းတွေ လုပ်မိတတ်သည်။ ထို့အတူပင် အကြားအမြင် ဟောပြောသူတစ်ဦးအနေဖြင့် သလင်းကျောက်ဖန်လုံးကို ဈေးကြီးလွန်း၍၊ ရှားပါးလွန်း၍ အသုံးမပြုနိုင်သော်လည်း ကျောက်မီးသွေးခဲလေးကို ယုံယုံကြည်ကြည်နှင့် အာရုံခံကြည့်ပြီးလည်း အဟောအပြော မှန်အောင် လုပ်နိုင်မည်သာ ဖြစ်သည်။ အချို့ဆိုလျှင် ဇလုံတစ်ခုထဲ ရေအပြည့်ထည့်ကာ ထိုရေဇလုံကို ကြည့်ပြီးပင် အနာဂတ်ကို ဟောပြောတတ်တာတွေ ရှိသည်။ တကယ်တော့ စိတ်အင်အားလေ့ကျင့်မှု အားကောင်းဖို့နှင့် ယုံကြည်စိတ် ပြင်းပြမှုတို့ကသာ အရေးကြီးပါသည်။ ( ခ ) ဓာတ်ဖန်လုံး ( သို့ ) ကျောက်မျက်ရတနာတစ်ခုခုကို အသုံးပြုကာ တန်ခိုးသတ္တိရအောင် ထုတ်ယူခြင်းထက် ထိုပစ္စည်းများကို ကြားခံပစ္စည်းအနေဖြင့် သုံးကာ မိမိအာရုံပေါ်သည်ကို ဟောပြောတတ်တာ များပါသည်။ စရဏအားကောင်း၊ သီလ၊ သမာဓိရှိပြီး သီလမြဲသူတို့သည် စိတ်အာရုံ ကြည်လင်တတ်သည်မှာ ဓမ္မတာပင်။ ထိုသူတို့အဖို့ အကြားအမြင် အာရုံတွေ အလိုလိုပေါ်လာမှာ သဘာဝ။ သူသုံးသော ပစ္စည်းထက် အသုံးပြုသူ၏ တန်ခိုးက ပိုအရေးကြီးပါသည်။ ( ဂ ) လူတွင် သာမန်အားဖြင့် ဝတ္ထုပစ္စည်းများကို မြင်နိုင်သော မျက်လုံးနှစ်လုံးသာ ရှိသည်။ ဝတ္ထုပစ္စည်း တစ်ခုခုရှိမှသာ ထိုဝတ္ထုကို မြင်နိုင်သည်။ ဒါကလည်း စက္ခုအာရုံကြောတို့၊ မျက်စိထဲမှ သူငယ်အိမ်တို့ စသဖြင့် စက္ခုအာရုံနှင့် ပတ်သက်သည့် ခန္ဓာကိုယ် အစိတ်အပိုင်း အားလုံးကောင်းဦးမှ။ သို့သော် တကယ်တမ်း ကျင့်ကြံအားထုတ်မှုပိုင်းဆိုင်ရာ ကောင်းသူများအတွက်မူ သာမန်လူတို့မှာရှိသော မျက်လုံးနှစ်လုံးထက်ပိုပြီး တတိယမျက်လုံးခေါ် ဉာဏ်အမြင် ပေါ်လာတတ်သည်။ ဤသည်ကိုပင် အကြားအမြင်ရသည်ဟု ခေါ်ကြသည်။ ငုတ်တုတ်ကြီး ထိုင်ပြီး မိမိမြင်တာ ကြားတာ ပြောဟောနေခြင်းထက် ဓာတ်ဖန်လုံးလေးကြည့်၊ ဖဲချပ်လေးကြည့် စသဖြင့် တစ်ခုခု အာရုံခံသလိုပြုကာ ဟောပြောခြင်းကို ဓာတ်ဖန်လုံးတို့ ဘာတို့က စွမ်းသည်ဟု လူတွေက ထင်နေကြခြင်း ဖြစ်သည်။ အကြားအမြင်ရသူများသည် သာမန်လူမဟုတ်။ Abnormal ဆိုသော သာမန်မဟုတ်သူဟု ပြောခြင်းထက် သာမန်ထက်ပိုလွန်သော ( Supernormal ) ဟု ပြောရမည့် သူများသည် နိုင်ငံအသီးသီးတွင် ပေါ်ထွန်းခဲ့သည်။ ပေါ်ထွန်းနေသည်။ ပေါ်ထွန်းဦးမည်။ ထိုသူများတွင် သိဒ္ဓိရှိနေသည်။ သိဒ္ဓိဟူသည် တောင်း၍မရ။ ပေး၍မရ။ သိဒ္ဓိဆိုသည်မှာ ကိုယ်လုပ်မှ ကိုယ်ရမည့် အရာဖြစ်သည်။ အကြားအမြင်ကိုလည်း ကျင့်ယူ၍ ရသည်။ ဘာသာအသီးသီးတွင် အကြားအမြင်ရသူတွေ ရှိသည်။ ဘာသာတရားနှင့် ကျင့်ကြံ အားထုတ်သူတွေ ထားဦးတော့။ သာမန်လူဖြစ်သော သင်လည်း အကြားအမြင် ရချင်လျှင် လက်တွေ့လေ့ကျင့်ကြည့်နိုင်သည်။ သို့သော် ဤအကြားအမြင်သည် သင့်ကို မည်သည့်တန်ခိုးရှင် မည်သည့်ဝိညာဉ်မျှ၊ မည်သည့် နတ်ဒေဝါကမျှ သင့်အား လာပေးခြင်း မဟုတ်သည်ကိုတော့ သင် ကြိုတင်နားလည်ထားဖို့ လိုပါသည်။ အောက်ဖော်ပြပါ အချက်များကို စိတ်ရှည်သည်းညည်းခံပြီး လေ့ကျင့်ကြည့်စေလိုပါသည်။ ၁။ သင့်မှာ သလင်းကျောက်ဖန်လုံး မရှိလျှင်လည်း ကိစ္စမရှိပါ။ ရေဖြည့်ထားသော ဇလုံတစ်လုံး ( သို့ ) မင်ထည့်ထားသော ပန်းကန်ပြားတစ်ချပ် ( သို့ ) အခြား အမည်းရောင် အရည်တစ်ခုခု ထည့်ထားသော ခွက်တစ်မျိုးမျိုး လိုအပ်ပါသည်။ ၂။ ဆိတ်ငြိမ်သော တစ်နေရာကို ရှာပါ။ မီး ခပ်မှိန်မှိန် ထွန်းထားပါ။ ၁၅ - မိနစ်မှ ၄၅ - မိနစ်အထိ ထိုနေရာတွင် ငြိမ်သက်စွာ ထိုင်ပါ။ ( သင်လေ့ကျင့်မည့် အချိန်ကတော့ နေ့စဉ် အချိန်မှန်ရမည်။ မနက် ၆ - နာရီဆို နေ့တိုင်း မနက် ၆ - နာရီ။ ည ၉ - နာရီဆို ညတိုင်း ၉ - နာရီ။ ) ၃။ မိမိရှေ့တွင် ချထားသော ရေဇလုံ စသည်တို့ကို စိုက်ကြည့်ပါ။ သင့်စိတ်ကို ဗလာကျင်းနိုင်သမျှ ကျင်းထားပါ။ နံဘေးပတ်ဝန်းကျင် ရုပ်ဝတ္ထုပစ္စည်းများကို အာရုံထဲမှ ဖျောက်ထားပါ။ ပထမလေ့ကျင့်ကာစတွင် သင်သည် ဘာကိုမျှ မြင်ရမည်မဟုတ်။ ငါတော့ အလဟဿ ငုတ်တုတ်ကြီး လာထိုင်နေမိပြီဟု နောင်တ ရချင်ရမည်။ သည်လိုနှင့် ရက်တွေ ကြာသွားမည်။ တစ်ပတ်နှစ်ပတ်ကျော် ဒီအတိုင်းပဲ ဖြစ်ချင်ဖြစ်မည်။ ထိုမှတစ်ဆင့် လနှင့်ချီ ကြာချင်ကြာသွားမည်။ ဆက်သည်းခံပါ။ ထိုအခါတွင် အာရုံထဲမှာ တိမ်တိုက်တွေလိုလို ဘာလိုလို မြင်လာသည်။ အရောင်ကတော့ အမျိုးစုံ ဖြစ်သည်။ များသောအားဖြင့် အဖြူရောင်၊ မီးခိုးရောင်၊ ငွေရောင် တစ်ခုခု ဖြစ်နိုင်သည်။ ရုပ်မြင်သံကြား ဖန်သားမျက်နှာပြင် သေးသေးလေးတစ်ခု ကြည့်နေရသကဲ့သို့ ဖြစ်မည်။ ၄။ သင်မြင်ရသည်ကို သေသေချာချာ မှတ်သားပါ။ ထိုပုံရိပ်၏ အဓိပ္ပာယ် ဘာဖြစ်နိုင်မည်ကို သုံးသပ် စဉ်းစားပါ။ အတိတ်က ဒါမျိုး ဘာမြင်ခဲ့ဖူးသလဲ။ ဘာဖြစ်ခဲ့ဖူးသလဲ။ ဒါမှမဟုတ် ရှေ့မှာ ဒါမျိုးနဲ့တူတာ ဘာဖြစ်နိုင်သလဲ။ သင်၏ မသိစိတ်ကို ကြိုးစားပြီး နှိုးကြည့်ပါ။ အတွေ့အကြုံများလာလျှင် ဘာပုံရိပ်သည် ဘာဖြစ်ဖို့ ကြိုတင် နိမိတ်ပြသည့် သင်္ကေတဖြစ်သည်ကို သိလာလိမ့်မည်။ မည်သူမဆို အထက်ပါ လေ့ကျင့်ခန်းကို လေ့ကျင့်နိုင်ပါသည်။ စိတ်တည်ငြိမ်မှု ရလာလေလေ၊ ပို၍ အမြင်အာရုံ မြန်မြန်ရလေဆိုသည်ကို လက်တွေ့ သိမြင်လာရပါမည်။ …………… ။ ။ စာရေးဆရာဟိန်းလတ် ရေးတဲ့ ‘စိတ်နှင့်ဂမ္ဘီရ’ ( အသိရခက်သော ဖြစ်ရပ်ဆန်းများကို လေ့လာခြင်း ) စာအုပ်မှ ဆရာရဲ့ ခွင့်ပြုချက်နဲ့ ပြန်လည်ဖော်ပြလိုက်တာပဲ ဖြစ်ပါတယ်။ ဒီပို့စ်ကို ကြိုက်တယ်ဆိုရင် like နဲ့ share ပေးခဲ့ဖို့ မမေ့ပါနဲ့ဦး ။
